ବଜ୍ରପାତରେ ୨ ଭାଇ ସମେତ ୩ ନାବାଳକ ମୃତ
ନବରଙ୍ଗପୁର: ନବରଙ୍ଗପୁର ଥାନା ଅନ୍ତର୍ଗତ ଚଟାହାଣ୍ଡି ପଞ୍ଚାୟତର ବାଉଁସିଆଗୁଡା ଗାଁରେ ବ୍ରଜ୍ରପାତରେ ୨ ଭାଇ ସମେତ ୩ ଜଣ ନାବାଳକଙ୍କ ମୃତ୍ୟୁ ଘଟିଛି। ନାବାଳକମାନେ ହେଲେ ମୋତିରାମ ବିନ୍ଧାଣୀ(୧୪), ଭାଇ ଲଳିତ ବିନ୍ଧାଣୀ (୧୬) ଓ କଦମ ହରୀଜନ(୧୬)। ଆଜି ସଂଧ୍ୟା ପ୍ରାୟ ୫.୫୦ ଘ ସମୟରେ ପ୍ରବଳ ମାତ୍ରାରେ ବର୍ଷା ହେବା ସହ ବଜ୍ରପାତ ହୋଇଥିଲା। ଏହି ୩ ଜଣ ନାବାଳକ ଶୌଚ ପାଇଁ ନିକଟସ୍ଥ ପୋଖରୀକୁ ଯାଇଥିଲେ। ସେମାନେ ଫେରିବା ବେଳେ ବଜ୍ରପାତ ଘଟିବାରୁ ସେମାନେ ସେଠାରେ ହିଁ ଗୁରୁତର ଭାବେ ଆହତ ହୋଇଥିଲେ।
Sambad is now on WhatsApp
Join and get latest news updates delivered to you via WhatsApp
ଗ୍ରାମବାସୀ ସାଙ୍ଗେ ସାଙ୍ଗେ ଏ ସଂକ୍ରାନ୍ତରେ ୧୦୮ ଆମ୍ବୁଲାନସ କୁ ଖବର ଦେଇଥିଲେ। ନବରଙ୍ଗପୁର ରୁ ୨ ଗୋଟି ଆମ୍ବୁଲାନସ ଘଟଣା ସ୍ଥଳକୁ ଯାଇ ଏହି ୩ ଜଣ ନାବାଳକଙ୍କୁ ଉଦ୍ଧାର କରି ନବରଙ୍ଗପୁର ଜିଲ୍ଲା ମୁଖ୍ୟଚିକିତ୍ସାଳୟରେ ଆଣି ଭର୍ତ୍ତି କରିଥିଲେ। ନବରଙ୍ଗପୁର ଡାକ୍ତରଖାନାରେ ଡାକ୍ତର ଏହି ୩ ଜଣ ନାବାଳକଙ୍କୁ ମୃତ୍ୟୁ ଘୋଷଣା କରିଥିଲେ। ମେଡିକାଲ ପରିସରରେ ଶୋକାକୁଳ ପରିବେଶ ସୃଷ୍ଟି କରିଥିଲା। ସମସ୍ତ ମୃତକଙ୍କୁ ଶବଗୃହରେ ରଖାଯାଇଛି। ସକାଳୁ ଶବ ବ୍ୟବଛେଦ ହେବ ବୋଲି ଜଣାପଡିଛି।