ବରଗଡ଼: ବିଭିନ୍ନ ସ୍ଥାନରେ ଚଢ଼ାଉ କରି ବରଗଡ଼ ଜିଲ୍ଲାର ଭଟଲି ଥାନା ପୁଲିସ ରବିବାର ୩ ଜଣ ନକଲି ମାଓବାଦୀଙ୍କୁ ଗିରଫ କରିଛି। ନକଲି ମାଓବାଦୀ ମାନଙ୍କ ଠାରୁ ପୁଲିସ ୧ ଲକ୍ଷ ୬୫ ହଜାର ଟଙ୍କା, ୩ଟି ମୋବାଇଲ ଓ ୨ଟି ବାଇକ ଜବତ କରିଛି। ବରଗଡ଼ ଏସ୍ପି ନୀତିନ ଭାମୁ ସାମ୍ବାଦିକ ସମ୍ମିଳନୀରେ କହିଛନ୍ତି, ଅଭିଯୁକ୍ତମାନେ ହେଲେ ସମ୍ବଲପୁର ଜୋନ୍ର ଡେପୁଟି ରେଞ୍ଜର ବଟକୃଷ୍ଣ ସେଠୀ, ଦଳ ଗୋବିନ୍ଦ ସାହୁ ଓ ବଳରାମ ସାହୁ। ବଳରାମ ଓ ଦଳଗୋବିନ୍ଦ ଦୁଇ ଭାଇ।
Sambad is now on WhatsApp
Join and get latest news updates delivered to you via WhatsApp
ଏସ୍ପି ଭାମୁ କହିଛନ୍ତି, ଅଭିଯୁକ୍ତ ମାନେ ୪ ବର୍ଷ ହେବ ନିଜକୁ ମାଓବାଦୀ କହି ସ୍ଥାନୀୟ ଅଞ୍ଚଳରେ ଠିକାଦାର ଓ ବଡ଼ ଲୋକଙ୍କୁ ଧମକାଇ ଟଙ୍କା ଆଦାୟ କରୁଥିଲେ। ଫୋନରେ ଲୋକଙ୍କୁ ଜଙ୍ଗଲ ଭିତରକୁ ଡାକୁଥିଲେ। ଏହା ପରେ ଧମକ ଦେଉଥିଲେ। ନକଲି ମାଓବାଦୀଙ୍କ ବିରୋଧରେ ପୁଲିସକୁ ବିଭିନ୍ନ ସୂତ୍ରରୁ ସୂଚନା ମିଳିବା ପରେ ଗିରଫ କରିବା ପାଇଁ ଯୋଜନା କରାଯାଇଥିଲା।