ଧଉଳି: ସ୍ଥାନୀୟ ଇଟିପୁର ଗ୍ରାମ ବୁଲାଣି ନିକଟରେ ଆଜି ଅପରାହ୍ନରେ ଏକ ଦ୍ରୁତଗାମୀ କାର ହଠାତ ଭାରସାମ୍ୟ ହରାଇ ବିଦ୍ୟୁତ ଖୁଣ୍ଟରେ ପିଟିହୋଇ ଦୟା ନଦୀବନ୍ଧ ତଳକୁ ଓଲଟିପଡ଼ିଥିଲା । ଫଳରେ କାର ଭିତରେ ଥିବା ଚାଳକ ସମେତ ଅନ୍ୟ ଦୁଇ ଜଣ ଆହତ ହୋଇଛନ୍ତି । ଧଉଳି ଥାନା ପୁଲିସ ସେମାନଙ୍କୁ ଚିକିତ୍ସା ଲାଗି ହସ୍ପିଟାଲରେ ଭର୍ତ୍ତି କରାଯାଇଛି । ତେବେ କାର ଧକ୍କାରେ ବିଦ୍ୟୁତ ଖୁଣ୍ଟ ଭାଙ୍ଗିଯିବାରୁ ବିଦ୍ୟୁତ ସେବା ଦୀର୍ଘ ସମୟ ଧରି ବାଧାପ୍ରାପ୍ତ ହୋଇଥିଲା ।
Sambad is now on WhatsApp
Join and get latest news updates delivered to you via WhatsApp
ଖବର ପାଇ ସ୍ଥାନୀୟ ବିଦ୍ୟୁତ ବିଭାଗ କର୍ମଚାରୀ ଗ୍ରାମରେ ପହଞ୍ଚି ବିଦ୍ୟୁତ ଖୁଣ୍ଟ ପୋତି ତା’ର ସଂଯୋଗ କରିବା ପରେ ପୁଣି ବିଦ୍ୟୁତ ସେବା ସ୍ବାଭାବିକ ହୋଇଥିଲା । ପ୍ରାପ୍ତ ସୂଚନା ଅନୁଯାୟୀ ଇଟିପୁର ଅଭିମୁଖେ ଯାଉଥିବା ଉକ୍ତ କାର ପ୍ରଥମେ ରାସ୍ତାକଡ଼ରେ ଥୁଆ ହୋଇଥିବା ବାଇକକୁ ଧକ୍କା ଦେଇ ବିଦ୍ୟୁତ ଖୁଣ୍ଟକୁ ଧକ୍କା ଦେଇଥିଲା । ଫଳରେ ଖୁଣ୍ଟ ଭାଙ୍ଗି ସେଥିରୁ ତାର ଛିଣ୍ଡି ଯାଇଥିଲା । ସୌଭାଗ୍ୟବଶତଃ ବିଦ୍ୟୁତ କଟିଯିବାରୁ ଏହି ଦୁର୍ଘଟଣାରେ କେହି ମୃତାହତ ହୋଇନଥିବା ସୂଚନା ମିଳିଛି ।