ରାମଚନ୍ଦ୍ରପୁର: ଯାଜପୁର ଜିଲ୍ଲା ଦାନଗଦୀ ବ୍ଲକ୍‌ ତରାଇଲୋ ଛକରେ ଅଟୋ ଓଲଟି ଗୋଟିଏ ପରିବାର ୩ଜଣ ଗୁରୁତର ହୋଇଛନ୍ତି। ଗୁରୁତରମାନେ ହେଲେ ରାମଚନ୍ଦ୍ରପୁର ଥାନା ରାଇତୋଳା ଗ୍ରାମର କଳନ୍ଦୀ ସାହୁ (୬୨), ସବିତା ସାହୁ (୨୪) ଓ ସସ୍ମିତା ସାହୁ (୨୦)। ସମସ୍ତଙ୍କୁ ପ୍ରଥମେ ସାଇଁକୁଳ ଡାକ୍ତରଖାନା ସେଠାରୁ କଟକ ବଡ଼ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ସମସ୍ତେ ଆଜି ଏକ ଅଟୋ (ଓଆର୍‌-୦୪-କେ-୨୨୩୬)ରେ ଦେଓଗାଁ କୁଶଳେଶ୍ବରଙ୍କ ଦର୍ଶନପାଇଁ ଯାଉଥିଲେ। ତରାଇଲୋ ଛକରେ ଆଗଚକ ଫାଟିଯିବାରୁ ଅଟୋଟି ଭାରସାମ୍ୟ ହରାଇ ରାସ୍ତାତଳକୁ ଓଲଟି ପଡ଼ିଥିଲା। ସ୍ଥାନୀୟ ଲୋକେ ଗୁରୁତରଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସରେ ଡାକ୍ତରଖାନା ପଠାଇଥିଲେ। ଦୁର୍ଘଟଣା ପରେ ଅଟୋ ଚାଳକ ଫେରାର ହୋଇଯାଇଛି।