ମୟୂରଭଂଜ: ଝାଡ଼ଖଣ୍ଡରେ ବାଇକ୍ ଆରୋହୀଙ୍କୁ ଧକ୍କା ଦେଲା ଯାତ୍ରୀବାହୀ ବସ୍, ଦୁର୍ଘଟଣାରେ ୩ ଓଡ଼ିଆ ମୃତ
ରାଇରଙ୍ଗପୁର: ଝାଡ଼ଖଣ୍ଡରେ ଏକ ଯାତ୍ରୀବାହୀ ବସ୍ ବାଇକ୍କୁ ଧକ୍କା ଦେବାରୁ ୩ ଜଣ ଓଡ଼ିଆଙ୍କର ମୃତ୍ୟୁ ଘଟିଥିବା ବୁଧବାର ଜଣାପଡ଼ିଛି। ବାପା, ପୁଅ ଓ ଅନ୍ୟ ଜଣେ ମହିଳା ଦୁର୍ଘଟଣାର ଶିକାର ହୋଇଛନ୍ତି। ମୃତକମାନେ ମୟୂରଭଂଜ ଜିଲ୍ଲା ରାଇରଙ୍ଗପୁର ଗ୍ରାମାଂଚଳ ଥାନା ବଣକାଟି ଗାଁର ବୋଲି ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଜାତୀୟ ରାଜପଥ ନମ୍ବର ୨୦୩ରେ ଆଜି ଅପରାହ୍ଣ ୨ଟାରେ ଏହି ଘଟଣା ଘଟିଛି। ୩ ଜଣ ବାଇକ୍ରେ ଆସୁଥିବା ବେଳେ ଯାତ୍ରୀବାହୀ ବସ୍ ଧକ୍କା ଦେଇଥିଲା। ସମସ୍ତଙ୍କୁ ଗୁରୁତର ଭାବେ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିଲା। ମାତ୍ର ଡାକ୍ତର ୩ ଜଣଙ୍କୁ ମୃତ ଘୋଷଣା କରିଥିଲେ।
ରିପୋର୍ଟ ଅନୁସାରେ ବସ୍ଟି ଜାତୀୟ ରାଜପଥରେ ଟାଟାରୁ ଚାଇବସା ଯାଉଥିବା ବେଳେ ଟିରିଲଡିହରେ ବାଇକ୍କୁ ଧକ୍କା ମାରିଥିଲା। ଫଳରେ ଦୁର୍ଘଟଣାରେ ମଙ୍ଗଳ ବାନସିଂହ (୩୫), ତାଙ୍କର ପୁଅ ଓ ଅନ୍ୟ ଜଣେ ମହିଳାଙ୍କର ମୃତ୍ୟୁ ଘଟିଛି। ମଙ୍ଗଳ ଝାଡ଼ଖଣ୍ଡରେ ଦିନ ମଜୁରିଆ ଅଥବା ଠିକା କାମ କରି ପେଟ ପୋଷୁଥିବା ବେଳେ ବହୁ ଦିନ ନିଜ ଜନ୍ମମାଟିକୁ ଆସି ନଥିଲେ।