ଖୋର୍ଦ୍ଧା: ବେଗୁନିଆ ବ୍ଲକର ପୋଡ଼ାଡ଼ିହରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଅନିୟମିତତା ଘଟଣାରେ ୩ ଜଣ ଭିଏଲ୍ଡବ୍ଲ୍ୟୁ ନିଲମ୍ବିତ ହୋଇଥିବା ଜଣାପଡ଼ିଛି। ଖୋର୍ଦ୍ଧା ଜିଲ୍ଲାପାଳ ସୀତାଂଶୁ କୁମାର ରାଉତ ଘଟଣା ସହିତ ସଂପୃକ୍ତ ୩ ଜଣ ଭିଏଲ୍ଡବ୍ଲ୍ୟୁଙ୍କୁ ଶନିବାର ନିଲମ୍ବନ କରିଛନ୍ତି। ନିଲମ୍ବିତ ହୋଇଥିବା ଭିଏଲ୍ଡବ୍ଲୁମାନେ ହେଲେ ନାରାୟଣ ଜେନା, ଜୟଦେବ ସୁବୁଦ୍ଧି ଓ କେଦାର ବେହେରା। ଏଥି ସହିତ ଜିଲ୍ଲାପାଳ ବେଗୁନିଆ ବିଡିଓ ରବି ନାରାୟଣ ମାଝୀ ଓ ଏବିଡିଓ ମହେନ୍ଦ୍ର ଜେନାଙ୍କୁ କାରଣ ଦର୍ଶାଅ ନୋଟିସ ଜାରି କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ବେଗୁନିଆ ବ୍ଲକର ପୋଡ଼ାଡ଼ିହ ଗାଁରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ନିର୍ମାଣ ନେଇ ପୂର୍ବରୁ ଅନିୟମିତତା ଅଭିଯୋଗ ଆସିଥିଲା। ଆବାସ ନିର୍ମାଣ ଅନିୟମିତତା ଅଭିଯୋଗ ଆସିବା ପରେ ତଦନ୍ତ ପାଇଁ ନିର୍ଦ୍ଦେଶ ହୋଇଥିଲା। ଜିଲ୍ଲା ପ୍ରଶାସନ ତରଫରୁ ଘଟଣାର ତଦନ୍ତ କରାଯିବା ପରେ ସଂପୃକ୍ତ ଭିଏଲଡବ୍ଲ୍ୟୁଙ୍କ ବିରୋଧରେ କାର୍ଯ୍ୟାନୁଷ୍ଠାନ ହୋଇଛି।
ଜିଲ୍ଲାପାଳ ପୂର୍ବରୁ ଗଡ଼ମାଣିତ୍ରୀରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଅନିୟମିତତା ଘଟଣାରେ ଜଣେ ପଞ୍ଚାୟତ ଏକ୍ସଟେନ୍ସନ୍ ଅଫିସରଙ୍କୁ ନିଲମ୍ବନ କରିଥିଲେ।