ରାୟଗଡ଼ା-କୋରାପୁଟ ରେଳଲାଇନରେ ପଥର ଖସିଲା: ୩ ଟ୍ରେନ୍ ଚଳାଚଳ ପ୍ରଭାବିତ, ସମ୍ବଲପୁର-ନାନ୍ଦେଡ ଏକ୍ସପ୍ରେସ ବାତିଲ
ଜୟପୁର: ରାୟଗଡ଼ା-କୋରାପୁଟ କେଆର ରେଳଲାଇନରେ ପ୍ରବଳ ବର୍ଷା ଯୋଗୁଁ ପାହାଡ଼ରୁ ମାଟିଅତଡା ଖସି ଧାରଣା ଉପରେ ପଡିଥିବାରୁ ଟ୍ରେନ୍ ଚଳାଚଳ ବାଧାପ୍ରାପ୍ତ ହୋଇଛି। ବରିଷ୍ଠ ବାଣିଜ୍ୟିକ ପରିଚାଳକ ଏକେ ତ୍ରିପାଠୀ ଏହି ସୂଚନା ଦେଇଛନ୍ତି। ସେ କହିଛନ୍ତି, ଟ୍ରେନ ନମ୍ବର ୦୮୫୪୬ ବିଶାଖାପାଟନମ୍-କୋରାପୁଟ ଟ୍ରେନ୍ ବିଶାଖାପାଟନମ୍ ୧୪ତାରିଖରେ ଛାଡ଼ିବାକୁ ଥିବାବେଳେ ରାୟଗଡା ପର୍ଯ୍ୟନ୍ତ ଚଳାଚଳ କରିବ ଏବଂ ରାୟଗଡା ଠାରୁ ବିଶାଖାପାଟନମ୍କୁ ୦୮୫୪୫ ଭାବରେ ଫେରିଥିଲା।
Sambad is now on WhatsApp
Join and get latest news updates delivered to you via WhatsApp
ଟ୍ରେନ ନମ୍ବର ୦୮୫୪୫ କୋରାପୁଟ-ବିଶାଖାପାଟନମ୍ ଟ୍ରେନ ୧୪ ତାରିଖରେ କୋରାପୁଟ ଛାଡି ସିକରପାଇରେ ରହି ପରେ ଶିଖରପାଇରୁ କୋରାପୁଟକୁ ୦୮୫୪୬ ଭାବରେ ଫେରି ଆସିଥିଲା । ଟ୍ରେନ ନମ୍ବର ୧୮୧୮୯ ଟାଟା-ଏର୍ନାକୁଲମ୍ ଏକ୍ସପ୍ରେସ ସମ୍ବଲପୁର, ଅନୁୁଗୁଳ, ଖୋର୍ଦ୍ଧା ରୋଡ଼, ବିଜୟନଗରମ୍ ଦେଇ ଡାଇଭର୍ଟ ରୁଟରେ ୧୪ ତାରିଖରେ ଚାଲିବ। ସେହିପରି ଟ୍ରେନ ନମ୍ବର ୨୦୮୦୯ ୧୪ତାରିଖରେ ସମ୍ବଲପୁର-ନାନ୍ଦେଡ ଏକ୍ସପ୍ରେସ ବାତିଲ କରାଯାଇଛି। ବିଭାଗୀୟ ଅଧିକାରୀମାନେ ସିକରପାଇ ଷ୍ଟେସନ ଠାରେ ଅଟକି ରହିଥିବା ଯାତ୍ରୀମାନଙ୍କୁ ସୁରକ୍ଷା ପ୍ରଦାନ କରିଥିବାବେଳେ ଯଥା ଶୀଘ୍ର ଟ୍ରେନ ସେବାକୁ ଚଳାଚଳ କରିବା ପାଇଁ ସମସ୍ତ ପ୍ରୟାସ ଜାରି ରହିଥିବା ସୂଚନା ରହିଛି।
ସୂଚନାଯୋଗ୍ୟ, ରାୟଗଡ଼ା-କୋରାପୁଟ କେଆର ରେଳଲାଇନରେ ପ୍ରବଳ ବର୍ଷା ଯୋଗୁଁ ପାହାଡ଼ରୁ ମାଟିଅତଡା ଖସି ଧାରଣା ଉପରେ ପଡି ଯାଇଥିବାରୁ ଦୀର୍ଘ ୪ ଘଣ୍ଟା ପାଇଁ ୪ଟି ରେଳ ଚଳା ଚଳ ଏକ ରକମ ଠପ ହୋଇଯାଇଥିଲା। ଆଜି ସକାଳୁ ସିକରପାଇ ଓ କେଉଟଗୁଡ଼ା ମଧ୍ୟରେ ଥିବା ଯମଗୁଡା ଗ୍ରାମର ୩୪ ନମ୍ବର ତନାଲ ନିକଟରେ ମାଟି ଅତଦା ବଡ଼ ଗଛ ରେଳ ଧାରଣା ଓ ବିଜୁଳି ତାର ଉପରେ ପଡି ଯାଇଥିବାରୁ ଏହି ସମସ୍ୟା ଉପୁଜିଥିଲା।