କାମାକ୍ଷାନଗର: ଢେ଼ଙ୍କାନାଳ ଜିଲ୍ଲା କାମାକ୍ଷାନଗର ଉପଖଣ୍ଡ ମେଡ଼ିକାଲ ଆସିଥିବା ଜଣେ ରୋଗୀଙ୍କ ଚିକିତ୍ସା ଅବହେଳା ପାଇଁ ଜୀବନ ଯାଇ ଥିବା ଅଭିଯୋଗ ହୋଇଛି । ଏହାକୁ ନେଇ ମେଡ଼ିକାଲରେ ଚାପା ଉତ୍ତେଜନା ଦେଖା ଦେଇଛି ।
ସୂଚନାଯୋଗ୍ୟ, ଆଜି ଦିନ ପ୍ରାୟ ୨ଟା ବେଳକୁ କାମାକ୍ଷାନଗର ଥାନା କାନପୁରା ଗାଁର ଫକୀର ମୋହନ ରାଉତଙ୍କ ପୁଅ ସରୋଜ କୁମାର ରାଉତ (୪୨ବର୍ଷ) ଦେହ ଅସୁସ୍ଥ ହେବାରୁ ତାଙ୍କୁ ତୁରନ୍ତ କାମାକ୍ଷାନଗର ମେଡ଼ିକାଲରେ ଭର୍ତି କରାଯାଇଥିଲା । ଏଠାରେ ଜଣେ ଡାକ୍ତରଙ୍କ ମାଧ୍ୟମରେ ଚିକିତ୍ସା କରାଇବା ପରେ ମେଡ଼ିକାଲରେ ଅଧିକ ଚିକିତ୍ସା କରାଇବା ପାଇଁ କହିଥିଲେ ।
Sambad is now on WhatsApp
Join and get latest news updates delivered to you via WhatsApp
ତେବେ ଅକ୍ସିଜେନ ଲଗାଇବା ପାଇଁ ଡାକ୍ତର କହିଥିବା ବେଳେ ଅକ୍ସିଜେନ ନଥିବା ସିଲିଣ୍ଡର ଲଗାଇଥିବା ପରିବାର ଲୋକେ ଅଭିଯୋଗ କରିଥିଲେ । ଯାହାକୁ ନେଇ ମେଡ଼ିକାଲରେ ଚାପା ଉତ୍ତେଜନା ଦେଖା ଦେଇଥିଲା । ଘଟଣାସ୍ଥଳରେ କାମାକ୍ଷାନଗର ଥାନା ଅଧିକାରୀ ଅଭିନବ ଡାଳୁଆ ପହଞ୍ଚି ତଦନ୍ତ କରୁଛନ୍ତି।