ପୁରୀ:ପୁରୀ ସଦର ଥାନା ବାଟ ଗାଁ ନିକଟରେ ମଙ୍ଗଳବାର ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣେ ବାଇକ୍‌ ଆରୋହୀଙ୍କ ମୃତ୍ୟୁ ହୋଇଛି। ମୃତକଙ୍କ ନାମ ଅଖରା ମହାନ୍ତି ବୋଲି ଜଣାପଡ଼ିଛି।

Advertisment

ସୂଚନାଯୋଗ୍ୟ, ମୃତ ଅଖରା ମହାନ୍ତି ମଙ୍ଗଳବାର ବାଟ ଗ୍ରାମରୁ ପୁରୀ-ଭୁବନେଶ୍ୱର ଜାତୀୟ ରାଜପଥକୁ ବାଇକ୍‌ ଯୋଗେ ଆସୁଥିବା ସମୟରେ ଭୁବନେଶ୍ୱରୁ ପୁରୀ ଅଭିମୁଖେ ଦ୍ରୁତ ଗତିରେ ଯାଉଥିବା ଏକ ଟ୍ରକ୍‌ ତାଙ୍କୁ ଧକ୍କା ଦେଇଥିଲା। ଫଳରେ ଅଖରା ମହାନ୍ତି ଗାଡ଼ିରୁ ଛିଟିକି ପଡ଼ିଥିଲେ ଏବଂ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଯାଇଥିଲା। ଦୁର୍ଘଟଣା ଘଟାଇଥିବା ଟ୍ରକ୍‌ଟିକୁ ବାଶୋଳ ଥାନାରେ ଅଟକ ରଖାଯାଇଛି। ମୃତ ଅଖରା ମହାନ୍ତିଙ୍କ କ୍ଷତି ପୂରଣ ଦାବି ନେଇ ଗ୍ରାମବାସୀ ରାସ୍ତା ରୋକ କରିଛନ୍ତି। ଯେଉଁଥିପାଇଁ ଯାନବାହାନ ଯାତାୟାତରେ ଅସୁବିଧା ପରିଲକ୍ଷିତ ହୋଇଛି।