କେନ୍ଦୁଝର: କେନ୍ଦୁଝର ସଦର ଥାନା ତେନ୍ତୁଳି ନିକଟରେ ଆଜି ସନ୍ଧ୍ୟାରେ ଅଜଣା ଗାଡ଼ି ଧକ୍କାରେ ଜଣେ ଟ୍ରକ୍ ଚାଳକଙ୍କ ମୃତ୍ୟୁ ଘଟିଛି। ମୃତକ ଜଣଙ୍କ ହେଲେ ଘଟଗାଁ ଥାନା ଧୋବାପିଟଣା ଗ୍ର‍ମର ଶିବ ଚରଣ ମହାନ୍ତଙ୍କ ପୁଅ ଧ୍ରୁବଚରଣ ମହାନ୍ତ (୪୧)। ପ୍ରାପ୍ତ ସୂଚନା ଅନୁସାରେ, ଧ୍ରୁବଚରଣ ଟ୍ରକ୍‌ଟିକୁ ତେନ୍ତୁଳି ନିକଟରେ ଛିଡ଼ା କରି ଓହ୍ଲାଇକି ଯାଉଥିବା ବେଳେ ଏକ ଅଜଣା ଟ୍ରକ୍ ତାଙ୍କୁ ଧକ୍କା ଦେଇ ଫେରାର ହୋଇଯାଇଥିଲା। ତାଙ୍କୁ ଗୁରୁତର ଅବସ୍ଥାରେ ୧୦୮ ଆମ୍ବୁଲାନ୍ସରେ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରେ ଧ୍ରୁବଚରଣଙ୍କ ମୃତ୍ୟୁ ଘଟିଛି। ଖବର ପାଇ ସଦର ଥାନା ପୁଲିସ ଡାକ୍ତରଖାନାରେ ପହଞ୍ଚି ଶବ ଜବତ କରିଛି।