ସିଭିଲ ସ୍କ୍ବାର୍ଡ ଓ ପୁଲିସର ମିଳିତ ଚଢ଼ାଉ; ୭ ବେଆଇନ ବାଲି ବୋଝେଇ ଟ୍ରାକ୍ଟର ଜବତ
ବଡ଼ସାହି: ବଡ଼ସାହି ଥାନା ତଥା ତହସିଲ ଅନ୍ତର୍ଗତ ନିଲାମ ହୋଇ ନ ଥିବା ବାଥୁଡିବନ୍ଧସ୍ଥିତ ବୁଢ଼ାବଳଙ୍ଗ ବାଲି ଶଯ୍ୟାରୁ ଆଜି ବେଆଇନ ଭାବେ ବାଲି ଆଣୁଥିବା ୭ ଟ୍ରାକ୍ଟର ଜବତ ହୋଇଛି। ପ୍ରାୟ ଦୈନନ୍ଦିନ ଉକ୍ତ ଘାଟରୁ ବାଲି ଚାଲାଣ ହେଉଥିବାର ବାରମ୍ବାର ଅଭିଯୋଗ ହୋଇ ଆସୁଥିଲା।
Sambad is now on WhatsApp
Join and get latest news updates delivered to you via WhatsApp
ଏହି ଅଭିଯୋଗକୁ କେନ୍ଦ୍ର କରି ଜିଲ୍ଲା ପ୍ରଶାସନ ପକ୍ଷରୁ ଗଠିତ ହୋଇଥିବା ସିଭିଲ ସ୍କ୍ବାର୍ଡ ଓ ବଡ଼ସାହି ପୁଲିସ ଆଜି ସକାଳେ ମିଳିତ ଚଢ଼ାଉ କରିଥିବା ବେଳେ ୭ଟି ବାଲି ବୋଝେଇ ଟ୍ରାକ୍ଟର ଧରା ପଡିଥିଲା। ସମସ୍ତ ଟ୍ରାକ୍ଟରକୁ ଜବତ କରି ଥାନାକୁ ଅଣା ଯାଇଛି। ଏ ସମ୍ପର୍କରେ ପୃଥକ ପୃଥକ ୭ଟି ମାମଲା ରୁଜୁ ହୋଇ ସମସ୍ତ ୭ ଜଣ ଯାକ ଡ୍ରାଇଭରଙ୍କୁ ଗିରଫ କରାଯାଇଛି। ଗିରଫ ଡ୍ରାଇଭରଙ୍କୁ ଆଜି କୋର୍ଟ ଚାଲାଣ କରାଯିବ ବୋଲି ଥାନାଧିକାରୀ ଗୋପାଳ ଚନ୍ଦ୍ର କର୍ଣ୍ଣ ସୂଚନା ଦେଇଛନ୍ତି।