ଟିଭି ଦେଖିବା ହେଲା କାଳ, ଚାଲିଗଲା ୨ବର୍ଷ ଶିଶୁ ପୁତ୍ରର ଜୀବନ

0

କଳାହାଣ୍ଡି: ଭବାନୀପାଟଣା ସଦର ଥାନା ଅନ୍ତର୍ଗତ ଭୌରବପୁର ଗ୍ରାମରେ ଆଜି ଟିଭି ପଡ଼ି ଜଣେ ଦୁଇବର୍ଷ ଶିଶୁ ପୁତ୍ରର ମୃତ୍ୟୁ ଖବର ହେବା ଖବର ସମଗ୍ର ଅଞ୍ଚଳରେ ଶୋକକୂଳ ପରିବେଶ ଖେଳାଇ ଦେଇଛି।

ସୂଚନାଯୋଗ୍ୟ, କଳାହାଣ୍ଡି ଜିଲ୍ଲା ଭବାନୀପାଟଣା ସଦର ଥାନା ଅନ୍ତର୍ଗତ ଭୌରବପୁର ଗ୍ରାମରେ ବସନ୍ତ ନାୟକ ବସବାସ କରନ୍ତି। ତାଙ୍କର ଦୁଇବର୍ଷର ପୁଅ, ଯାହାର ନାମ ସେ ସ୍ନେହରେ ରଖିଥିଲେ କୁଲୁ। ଆଜି ସକାଳେ ବାପା, ମା’ ଘର କାମରେ ବ୍ୟସ୍ତ ଥିଲେ। ଏହି ସମୟରେ ଦୁଇବର୍ଷର ପୁଅ କୁଲୁ ଘରେ ବସି ଟିଭି ଦେଖୁଥିଲା। ଏହି ସମୟରେ ଅଜଣାତରେ ଟିଭିର କଡ଼ ଟାଣି ହୋଇଯାଇଥିଲା। କୁଲୁ ପାଖରେ କେହି ନଥିବା ସମୟରେ ଟିଭିଟି କୁଲ ଉପରେ ପଡ଼ି ଯାଇଥିଲା। ଜୋରରେ କ’ଣ ଗୋଟିଏ ପଡ଼ିବା ଶବ୍ଦ ଶୁଣି ପରିବାର ଲୋକ କୁଲୁ ପାଖକୁ ଧାଇଁ ଆସିଥିଲେ। ସଙ୍ଗେସଙ୍ଗେ ଗୁରୁତର ଅବସ୍ଥାରେ କୁଲୁକୁ ଭାବନୀପାଟଣା ସଦର ହସ୍‌ପିଟାଲରେ ଚିକିତ୍ସା ପାଇଁ ଭର୍ତ୍ତି କରିଥିଲେ। ଚିକିତ୍ସାଧୀନ ଅବସ୍ଥାରେ କୁଲୁର ମୃତ୍ୟୁ ହୋଇଯାଇଥିଲା।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Leave A Reply

Your email address will not be published.