କେନ୍ଦ୍ରାପଡ଼ାରେ ଆଲୋକୀକରଣ ଦୁର୍ନୀତି-୩, ଆର୍ଥିଂ ନାଁରେ ଗିଳିଦେଲେ ୨୭ ଲକ୍ଷ!

କେନ୍ଦ୍ରାପଡ଼ା: ନିୟମ କହୁଛି, କେମିକାଲ୍‌ ଆର୍ଥି˚ ପୂର୍ବରୁ ଅତି କମ୍‌ରେ ଗୋଟିଏ ମିଟର‌୍‌ ମାଟି ଖୋଳାଯିବ। ବିନୋନେଟ୍‌ ପାଉଡର‌୍‌ ବ୍ୟବହାର କରାଯାଇ ଗାତ ଭିତରୁ ଜିଆଇ ପାଇପ୍‌ ଆସି ଖୁଣ୍ଟରେ ବନ୍ଧାଯିବା କଥା। କିନ୍ତୁ କେନ୍ଦ୍ରାପଡ଼ା ପୌରପାଳିକାରେ ଏଲଇଡି ଲାଇଟ୍‌ ଆଲୋକୀକରଣ ନାଁରେ ଠିକା ସ˚ସ୍ଥା ‘ଏନର୍ଜି ଏଫିସିଏନ୍ସି ସର୍ଭିସ୍‌ ଲିମିଟେଡ୍‌’ ବା ଇଇଏସ୍‌ଏଲ୍‌ ଯେଉଁ ହାତଗଣତି କିଛି ଆର୍ଥି˚ କରିଛି, ତାହା ଅତ୍ୟନ୍ତ ନିମ୍ନମାନର। ନା’ ଗାତ ଖୋଳାଯାଇଛି ନା’ ଖୁଣ୍ଟରେ ଭଲ ଭାବେ ଆର୍ଥି˚ ସ˚ଯୋଗ କରାଯାଇଛି। ସାରା ସହରରେ ଲାଗିଥିବା ଲାଇଟ୍‌ ଉପରେ ଆଖି ବୁଲାଇ ଆଣିଲେ ଅଧିକା˚ଶ ଖୁଣ୍ଟରେ ତ ଆଦୌ ଆର୍ଥି˚ ନାହିଁ। କାଗଜପତ୍ରରେ ଯେତିକି ଦର୍ଶାଯାଇଛି ତାର ୭୦ପ୍ରତିଶତ ଆର୍ଥି˚ ଖୁଣ୍ଟରେ ଲାଗିନାହିଁ। ଆଉ ଯେଉଁଠି ଆର୍ଥି˚ ଅଛି, ତାହା ମାଟି ତଳକୁ ସ˚ଯୋଗ ନାହିଁ। ଉଦାହରଣ ଭାବେ କେଶପୁରରୁ ଗୋପ ଛକ ଯାଏ ଏବ˚ କେନ୍ଦ୍ରାପଡ଼ା ସରକାରୀ ହାଇସ୍କୁଲରୁ ହଜାରୀ ବଗିଚା ମୁଖ୍ୟ ରାସ୍ତା ପାର୍ଶ୍ବରେ ଲାଗିଥିବା ଲାଇଟ୍‌କୁ ନିଆଯାଇପାରେ। ଏହି ଦୁଇ ରାସ୍ତାରେ କାଗଜପତ୍ରରେ ଦର୍ଶାଯାଇଥିବା ଆର୍ଥି˚ ସ˚ଖ୍ୟା ତୁଳନାରେ ଦଶ ପ୍ରତିଶତ ବି ଲାଗିନଥିବା ‘ସମ୍ବାଦ’ ଟିମ୍‌ ଦେଖିବାକୁ ପାଇଛି। ହାଣ୍ତିରୁ ଗୋଟିଏ ଭାତ ଚିପିବା ଭଳି ଯଦି ଏହି ଦୁଇ ଅ˚ଚଳକୁ ଉଦାହରଣ ଭାବେ ନେବା, ତା’ ହେଲେ ଠିକା ସ˚ସ୍ଥା ପାଖାପାଖି ୩୫ଲକ୍ଷରୁ ଅଧିକ ବ୍ୟୟରେ ୫୯୭ଟି ଖୁଣ୍ଟରେ କେମିକାଲ୍‌ ଆର୍ଥି˚ କରାଯାଇଥିବା ଯେଉଁ ରେକର୍ଡ ଦର୍ଶାଇଛି, ତାହା ଡାହା ମିଛ ବୋଲି ଧରା ପଡ଼ିଯାଉଛି। ପ୍ରତି ଆର୍ଥି˚ ପିଛା ୬ହଜାର ଟଙ୍କା ଠିକା ସ˚ସ୍ଥା ବିଲ୍‌ କରି ନେଇଥିବା କୁହାଯାଉଥିବା ବେଳେ ବାସ୍ତବରେ କିନ୍ତୁ ପାଖାପାଖି ୭୦ପ୍ରତିଶତ ଖୁଣ୍ଟରେ ଆର୍ଥି˚ ନ ଥିବା ଜଣାପଡ଼ିଛି। ଏ ବାବଦରେ ପାଖାପାଖି ୨୭ଲକ୍ଷରୁ ଅଧିକ ଟଙ୍କା  ଠିକା ସ˚ସ୍ଥା ହଡ଼ପ କରିଥିବା ଅଭିଯୋଗ ହେଉଛି। ଏହା ପୂର୍ବରୁ ‘ସମ୍ବାଦ’ ଅନୁସନ୍ଧାନ କରି ଠିକା ସ˚ସ୍ଥା ଲାଇଟ୍‌ ଲଗାଇବା କ୍ଷେତ୍ରରେ କରିଥିବା ଦୁର୍ନୀତିକୁ ପଦାକୁ ଆଣିଥିଲା। ମୋଟ୍‌ ୨କୋଟି ୮୮ଲକ୍ଷ ୬୬ହଜାର ୪୩୫ଟଙ୍କା ବ୍ୟୟରେ ହୋଇଥିବା ଏହି ଆଲୋକୀକରଣ ପ୍ରକଳ୍ପରେ ପୌରପାଳିକାର ୨୧ଟି ଵାର୍ଡରେ ବିଭିନ୍ନ ରାସ୍ତାରେ ସମୁଦାୟ ୩୧୭୫ଟି ଏଲଇଡି ଲାଇଟ୍‌ ଏବ˚ ୫୯୭ଟି ବିଦ୍ୟୁତ୍‌ ଖୁଣ୍ଟକୁ କେମିକାଲ୍‌ ଆର୍ଥି˚ କରାଯାଇଥିବା ଠିକା ସ˚ସ୍ଥା ଦର୍ଶାଇଛି। ହେଲେ ‘ସମ୍ବାଦ’ ଟିମ୍‌ କ୍ଷେତ୍ରକୁ ଯାଇ ଏହାର ବାସ୍ତବତା ପରଖିଲା ବେଳକୁ ଆଖି ତରାଟି ହେବା ଭଳି ତଥ୍ୟ ସାମ୍ନାକୁ ଆସିଥିଲା। ଜଇପୁରା ହଜାରୀବାଗିଚା ରାସ୍ତାରେ କେନ୍ଦ୍ରାପଡ଼ା ସରକାରୀ ହାଇସ୍କୁଲ୍‌ଠାରୁ ହଜାରୀ ବଗିଚା ଯାଏ ରାସ୍ତାରେ ବିଭିନ୍ନ ଵାଟ୍‌ର ମୋଟ୍‌ ୧୪୨ଟି ଏଲଇଡି ଲାଇଟ୍‌ ଲଗାଯାଇଥିବା ଦର୍ଶାଯାଇଥିବା ବେଳେ ବାସ୍ତବରେ ଗଣତି ପରେ ୭୯ଟି ଲାଇଟ୍‌ ଲାଗିଥିବା ସାମ୍ନାକୁ ଆସିଥିଲା। ଆର୍ଥି˚ ବି ଲାଇଟ୍‌ ଲାଗିଥିବା ୬୮ଟି ଖୁଣ୍ଟ ମଧୢର ୪୧ଟି ଖୁଣ୍ଟରେ ସ˚ଯୋଗ ଥିବା ରେକର୍ଡରେ ଦେଖାଇ ଦିଆଯାଇଥିବା ବେଳେ ପ୍ରକୃତରେ ମାତ୍ର ୧୦ଟି ଖୁଣ୍ଟରେ ଆର୍ଥି˚ ଥିବା ଦେଖିବାକୁ ମିଳିଥିଲା।

ସେଥିରୁ ପୁଣି ଅଧିକା˚ଶ ମାଟିରେ ସ˚ଯୋଗ ବିଚ୍ଛିନ୍ନ ହୋଇ ପଡ଼ିଛି। ଅନୁରୂପ ଚିତ୍ର ଚିତ୍ର କେଶପୁରର ଗୋପ ଛକ ଯାଏ ରାସ୍ତାରେ ବି ଦେଖିବାକୁ ମିଳିଥିଲା। ଏହି ଦେଢ଼ କିଲୋମିଟର ପ୍ରାୟ ରାସ୍ତାରେ ୧୬୫ଟି ଲାଇଟ୍‌ ଏବ˚ ୩୬ଟି ଖୁଣ୍ଟ ଆର୍ଥି˚ ହୋଇଥିବା ଦର୍ଶାଯାଇଥିବା ବେଳେ ବାସ୍ତବ ସ୍ଥିତି ଯାଞ୍ଚ ପରେ ୧୦୨ଟି ଲାଇଟ୍‌ ଏବ˚ ମାତ୍ର ୫ଟି ଖୁଣ୍ଟରେ ଆର୍ଥି˚ ହୋଇଥିବା ଜଣାପଡ଼ିଥିଲା।  ଅର୍ଥାତ୍‌ ରେକର୍ଡ ତୁଳନାରେ ୬୩ଟି ଲାଇଟ୍‌ ଲାଗି ନ ଥିବା ବେଳେ ୩୧ଟି ଖୁଣ୍ଟ ବିନା ଆର୍ଥି˚ ରହିଛି। ବଡ଼ କଥା ହେଉଛି, ପୌରାଞ୍ଚଳର ଅଧିକା˚ଶ ସ୍ଥାନରେ ବିଦ୍ୟୁତ୍‌ ଖୁଣ୍ଟ ଢ଼ଳେଇ ରାସ୍ତା ଉପରେ ରହିଛି। ତେଣୁ ରାସ୍ତା ଖୋଳି ଆର୍ଥି˚ କରିବାର କଷ୍ଟ ନ କରି ଚତୁରତାର ସହିତ ୫୯୭ରୁ ୭୦ପ୍ରତିଶତ ଖୁଣ୍ଟରେ ଆର୍ଥି˚ ସ˚ଯୋଗ ନ କରି ଠିକା ସ˚ସ୍ଥା ଠକିଥିବା କୁହାଯାଉଛି। ମିଳିଥିବା ସୂଚନା ମୁତାବକ, ଗୋଟିଏ ଖୁଣ୍ଟରେ ଆର୍ଥି˚ ପାଇଁ ଠିକା ସ˚ସ୍ଥା ନେଇଛି ୬ହଜାର ଟଙ୍କା। ଏହି ହିସାବରେ ୫୯୭ଟା ଖୁଣ୍ଟରେ ଆର୍ଥି˚ ପାଇଁ ୩୫ଲକ୍ଷ ୮୨ହଜାର ଟଙ୍କା ବିଲ୍‌ ହେଇଥିବ। କିନ୍ତୁ ସାଢେ଼ ଚାରି ଶହରୁ ଅଧିକ ଖୁଣ୍ଟରେ ଆର୍ଥି˚ ନ କରି କାଗଜପତ୍ରରେ କିନ୍ତୁ ହେଇଥିବାର ଦେଖାଇ ଠିକା ସ˚ସ୍ଥା ୨୭ଲକ୍ଷରୁ ଅଧିକ ଟଙ୍କା ହଡ଼ପ କରିଥିବା କୁହାଯାଉଛି।

ଏଭଳି ସ୍ଥିତିରେ ପ୍ରଶ୍ନ ଉଠିଲାଣି ଯେ କେଉଁ ଆଧାରରେ ମ୍ୟୁନିସିପାଲିଟି କର୍ତୃପକ୍ଷ ଠିକା ସ˚ସ୍ଥା ଦେଖାଇଥିବା ରେକର୍ଡକୁ ଠିକ୍‌ ଦର୍ଶାଇ ସରକାରଙ୍କୁ ରିପୋର୍ଟ ପଠାଇ ଦେଲେ। କର୍ତୃପକ୍ଷ କ୍ଷେତ୍ର ସ୍ତରରେ ଯାଇ ଏହାର ଯାଞ୍ଚ କରିଥିଲେ କି? ଯଦି ନା, ତା’ହେଲେ ଧରିନେବାକୁ ପଡ଼ିବ ଯେ ଆଲୋକୀକରଣ ନାଁରେ ହୋଇଥିବା ଏହି ଆଖିବୁଜା ଦୁର୍ନୀତିରେ ମ୍ୟୁନିସିପାଲ୍ଟି କର୍ତୃପକ୍ଷ ବି ଠିକା ସ˚ସ୍ଥା ସହିତ ସାମିଲ୍‌ ଅଛନ୍ତି। ତା’ ନ ହୋଇଥିଲେ ରେକର୍ଡ ମୁତାବକ ସହରରେ ଲାଇଟ୍‌ ଲାଗିନଥିବା ବେଳେ ସରକାରଙ୍କୁ ଭୁଲ୍‌ ରିପୋର୍ଟ ଦିଆଯାଇଥା’ନ୍ତା କିପରି ବୋଲି ପ୍ରଶ୍ନ ଉଠୁଛି। ବିଭାଗୀୟ କର୍ତୃପକ୍ଷ ଟେଣ୍ତରଠୁ ଠିକା ସ˚ସ୍ଥାକୁ ଦାୟିତ୍ବ ଏବ˚ ଅର୍ଥ ପୈଠ ଯାଏ ସବୁକିଛି ନଗର ଉନ୍ନୟନ ବିଭାଗ କରିଥିବାର ଯେତେ ସଫେଇ ଦେଲେ ବି କେନ୍ଦ୍ରାପଡ଼ା ମ୍ୟୁନିସିପାଲିଟି ଯେଉଁ ଆସେଟ୍‌ କ୍ରିଏସନ୍‌ ରିପୋର୍ଟ ବିଭାଗକୁ ଦେଇଛି, ତାହା ମିଲିଭଗତର କେଳେଙ୍କାରୀକୁ ଧରାପକାଇ ଦେଉଛି। ଆଉ ଏହି କେଳେଙ୍କାରୀକୁ ଖୋଦ୍‌ ଠିକା ସ˚ସ୍ଥା  ଇଇଏସ୍‌ଏଲ୍‌ କର୍ତୃପକ୍ଷ ବି ପ୍ରତ୍ୟକ୍ଷ ଭାବେ ମାନି ଯାଇଛନ୍ତି; ଯେତେବେଳେକି’ ବାତ୍ୟା ଜଵାଦଜନିତ ପ୍ରବଳ ବର୍ଷାରେ ଲୋକ ଲଗାଇ କେନ୍ଦୁଝର ପୌରାଞ୍ଚଳରେ ଲାଇଟ୍‌ ଲଗାଉଥିବାର ଚିତ୍ର ସାମ୍ନାକୁ ଆସିଛି। ତେଣୁ ଦୁର୍ନୀତି ଜଳଜଳ ପ୍ରମାଣ ଯେତେବେଳେ ସାମ୍ନାକୁ ଆସି ସାରିଛି ଆଉ ଧରାପଡ଼ିବା ପରେ ଠିକା ସ˚ସ୍ଥା ଲାଇଟ୍‌ ଲଗାଇ ଘଣ୍ଟ ଘୋଡ଼ାଇବାର ଅପଚେଷ୍ଟା ଚଳାଇଛି, ସେତେବେଳେ ବିଭାଗ କାର୍ଯ୍ୟାନୁଷ୍ଠାନ ନେବା ପରିବର୍ତ୍ତେ ଚୁପ୍‌ ବସିବା ଘଟଣା ସରକାରଙ୍କ ଦୁର୍ନୀତି ପ୍ରତି ଶୂନ୍ୟ ସହନଶୀଳତା ନୀତି ଉପରେ ବିରାଟ ପ୍ରଶ୍ନଚିହ୍ନ ଆଙ୍କି ଦେଉଛି।