ମାଲକାନଗିରିରେ ଗଞ୍ଜେଇ ଜବତ, ୨ ଗିରଫ

ମାଲକାନଗିରି: ମାଲକାନଗିରି ପୁଲିସକୁ ମିଳିଛି ବଡ ସଫଳତା। ଗଞ୍ଜେଇ ଜବତ କରିବା ସହ ୨ ଜଣଙ୍କୁ ଗିରଫ କରିବାରେ ସଫଳ ହୋଇଛି। ବିଶେଷ ସୂତ୍ରରୁ ଖବର ପାଇ ମାଲକାନଗିରି ଆଇଆଇସି ରିଗାନ କିଣ୍ଡୋଙ୍କ ନିର୍ଦେଶକ୍ରମେ ଏସଆଇ ପି. ଗୌଡଙ୍କ ନେତୃତ୍ବରେ ଏକ ଟିମ ସ୍ଥାନୀୟ ଗୌଡଗୁଡା ଛକ ନିକଟରେ ପେଟ୍ରୋଲିଂ କରୁଥିଲେ। ତେବେ ଏକ ମଟର ସାଇକେଲରେ ଟ୍ରୋଲି ଲଗାଇ ସେଥିରେ ୪୫ କିଲୋ ଗଞ୍ଜେଇ ଲଦି ଆସୁଥିବା ଦେଖିବାକୁ ପାଇଥିଲେ। ତୁରନ୍ତ ପୁଲିସ ଏହି ମଟର ସାଇକେଲ ଟ୍ରୋଲି ଗାଡିକୁ ଅଟକାଇ ଯାଞ୍ଚ କରିବା ପରେ ସେଥିରେ ଗଞ୍ଜେଇ ଲଦାଯାଇଥିବା ଦେଖିବାକୁ ପାଇଥିଲେ।

ପରେ ସେହି ଗଞ୍ଜେଇକୁ ଓଜନ କରିବା ପରେ ସେଥିରେ ୪୫ କିଲୋ ଗଞ୍ଜେଇ ରହିଥିବା ପୁଲିସ ଜାଣିବାକୁ ପାଇଥିଲା। ଏହି ଗଞ୍ଜେଇକୁ ଚାଲାଣ କରୁଥିବା ରାଜସ୍ଥାନର ନାଜମୁଲ ହିସେନ ଖାନ ଏବଂ ମହାରାଷ୍ଟ୍ର ଅଞ୍ଚଳର ଆମିନୁଏଲ ସେଖ ବୋଲି ପୁଲିସ କହିଛି। ଗିରଫପରେ ଏହି ଦୁଇ ଜଣଙ୍କୁ କୋର୍ଟ ଚାଲାଣ କରାଯାଇଥିବା କୁହାଯାଇଛି।