ମାଲକାନଗିରି: ଅଗ୍ନିକାଣ୍ଡରେ ଜଳିଗଲା ୨ ବଖରା ଘର

କାଲିମେଳା: ମାଲକାନଗିରି ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ ମଙ୍ଗିପାଲି ଗ୍ରାମରେ ଆଜି ଅପରାହ୍ନରେ ଭୟାବହ ଅଗ୍ନିକାଣ୍ଡ ଘଟିଛି। ଅଗ୍ନିକାଣ୍ଡ ଯୋଗୁଁ ମଙ୍ଗିପାଲି ଗ୍ରାମର ଭୀମା ମାଢିଙ୍କ ୨ ବଖରା ଚାଳ ଘର ସହ ଧାନ ଚାଉଳ, ଲୁଗାପଟା, ବାସନ କୁସନ ସବୁ ଜଳି ପୋଡି ପାଉଁଶ ହୋଇଯାଇଛି। ଖବର ପାଇ କାଲିମେଳାରୁ ଅଗ୍ନିଶମ ବାହିନୀ ଘଟଣାସ୍ଥଳକୁ ପହଂଚିଥିଲେ। ନିଆଁକୁ ଆୟତ କରିବା ପୂର୍ବରୁ ଭୀମା ମାଢ଼ିଙ୍କ ବହୁ ଜିନିଷପତ୍ର ପୋଡ଼ି ନଷ୍ଟ ହୋଇଛି।

ସୂଚନା ଅନୁସାରେ ଭୀମା ମାଢି ଓ ତାଙ୍କ ପରିବାର ଲୋକେ ଆଜି ଦିନ ବେ‌ଳା ଜମିରେ କାମ କରିବାକୁ ଚାଲି ଯାଇଥିଲେ। ସେମାନେ ଘରେ କେହି ନଥିବାରୁ ଦୁର୍ଘଟଣା ଘଟିଥିଲା। ଫଳରେ ଦୁର୍ଘଟଣାରୁ ଅଳ୍ପକେ ବର୍ତ୍ତିଯାଇ ଥିଲେ। କିନ୍ତୁ ଅଗ୍ନିକାଣ୍ଡ କିପରି ଘଟିଲା ତାହା ଜଣାପଡ଼ି ନାହିଁ।