ଧଉଳି: ଭୁବନେଶ୍ବର-ପୁର ଜାତୀୟ ରାଜପଥର ପିପିଲି ଟୋଲ ଗେଟ ନିକଟରେ ଆଜି ଅପରାହ୍ନ ୩ଟା ସମୟରେ ଏକ ଦ୍ରୁତଗାମୀ ସ୍କର୍ପିଓ ଓ ବାଇକ ମଧ୍ୟରେ ଧକ୍କା ହୋଇଛି। ଏଥିରେ ବାଇକରେ ଥିବା ଦୁଇ ଯୁବକ ଗୁରୁତର ଆହତ ହୋଇଛନ୍ତି। ସ୍ଥାନୀୟ ଲୋକ ଉଭୟ ଯୁବକଙ୍କୁ ଉଦ୍ଧାର କରି ନିକଟସ୍ଥ ହସ୍ପିଟାଲକୁ ପଠାଇଥିଲେ। ଖବର ପାଇ ଉତ୍ତରା ଫାଣ୍ଡି ପୁଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ଗାଡ଼ି ଜବତ କରିଥିଲା। ସୂଚନା ଅନୁସାରେ ପୁରୀ ଅଭିମୁଖେ ଯାଉଥିବା ଉକ୍ତ ଦ୍ରୁତଗାମୀ ସ୍କର୍ପିଓ ଭାରସାମ୍ୟ ହରାଇ  ଟୋଲଗେଟ କଟ ନିକଟରେ ରଙ୍ଗରୁଟରେ ଯାଉଥିବା ବାଇକୁ ଧକ୍କା ଦେଇଥିଲା। ଫଳରେ ଯୁବକ ଦ୍ବୟ ଛିଟିକିପଡ଼ି ଗୁରୁତର ଆହତ ହୋଇଥିଲେ। ରିପୋର୍ଟ ଲେଖା ହେବା‌ ବେଳକୁ ଆହତ ଯୁବକଙ୍କ ପରିଚୟ ମିଳିପାରି ନାହିଁ।