ଚୋରି ମାମଲାରେ ଦୁଇ ଗିରଫ, ଚୋରି ସାମଗ୍ରୀ ଉଦ୍ଧାର
ଜଟଣୀ: ଜଟଣୀ ଥାନା ଅଧୀନରେ ଦୁଇଟି ପୃଥକ ଚୋରି ଘଟଣାରେ ଜଟଣୀ ପୁଲିସ ଦୁଇଜଣ ଅଭିଯୁକ୍ତଙ୍କୁ ଧରି ଆଜି କୋର୍ଟ ଚାଲାଣ କରିଛି । ସୂଚନାନୁସାରେ, ଚଳିତ ମାସ ୨୩ ତାରିଖରେ ଜଟଣୀ ବଡ଼ତୋଟା ସାହି ନିବାସୀ ଭାରତୀ ରାଉତରାୟଙ୍କ ଘରେ ପଶି କେହି ଦୁର୍ବୃତ୍ତ ସୁନା ଅଳଙ୍କାର ଚୋରି କରି ନେଇଥିବା ନେଇ ଅଭିଯୋଗ କରିଥିଲେ । ପୁଲିସ ଏନେଥ ୨୩୯/୨୦୨୨ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ପୂର୍ବରୁ ଭାରତୀଙ୍କ ଘରେ ପଶି ସେହି ସାହିର ଗଦାଧର ଦାସ ନାମକ ଜଣେ ଯୁବକ ଛୋଟମୋଟ ଚୋରି କରିଥିବା ଅଭିଯୋଗ ରହିଥିଲା, ଏଣୁ ପୁଲିସ ଗଦାଧରକୁ ଆଣି ପଚରାଉଚୁରା କରିଥିଲା । ପରେ ପୁଲିସ ଚୋରି ହୋଇଥିବା ସୁନା ଚେନ୍ ଓ ମୁଦି ଗଦାଧରଙ୍କ ଠାରୁ ଜବତ କରିବା ସହ ଗଦାଧରଙ୍କୁ କୋର୍ଟ ଚାଲାଣ କରିଛି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟଏକ ଚୋରି ମାମଲାରେ ଖୁଦୁପୁରର ପ୍ରିୟଦର୍ଶିନୀ ପାହାଡ଼ସିଂହଙ୍କ ଘରୁ ଚଳିତ ମାସ ୨୬ ତାରିଖରେ ଘରେ ସମସ୍ତ ସଦସ୍ୟଙ୍କ ଅନୁପସ୍ଥିତର ସୁଯୋଗ ଦେଇ କେହି ଦୁର୍ବୃତ୍ତ ଅଳଙ୍କାର ପେଢ଼ି ଓ ନଗଦ ୪୦ହଜାର ଟଙ୍କା ଚୋରାଇନେଇଥିବା ନେଇ ଅଭିଯୋଗ କରିଥିଲେ । ପୁଲିସ ଏନେଇ ୨୩୫/୨୦୨୨ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ଶେଷରେ ସେହିଗ୍ରାମସର ବିଶ୍ୱଜିତ ବେହେରା ଓରଫ ବାବି (୨୨)କୁ ଗିରଫ କରି ତା’ ନିକଟରୁ ୧୭.୫୨୦ ଗ୍ରାମର ଏକ ସୁନା ହାର, ସୁନା ମୁଦି, ସୁନା ଲକେଟ୍, ସୁନା ଶଙ୍ଖା, ସୁନା କାନଫୁଲ ୩ଟି ଓ ନଗଦ ୨୩ହଜାର ଟଙ୍କା ଜବତ କରିଛି । ଆଜି ବିଶ୍ୱଜିତକୁ ଗିରଫ କରି କୋର୍ଟ ଚାଲାଣ କରାଯାଇଥିବା ପୁଲିସ ସୂତ୍ରରୁ ପ୍ରକାଶ ।