ବନ୍ଦ ଘରୁ ଦୁଇ ଯୁବତୀ ଉଦ୍ଧାର, ଘରୋଇ କମ୍ପାନିର ତିନି କର୍ମଚାରୀ ଅଟକ
ରାଉରକେଲା : ଚାକିରି କରାଇ ଦେବା ନାରେ ଦୁଇ ଜଣ ଯୁବତୀଙ୍କ ଠାରୁ ଏକ କମ୍ପାନି ୪୦ ହଜାର ଟଙ୍କା ନେଇ ବେଆଇନ ଭାବେ ଅଟକ ରଖି ଥିବା ଅଭିଯୋଗ ହେଲା ପରେ ଯୁବତୀ ଦ୍ୱୟଙ୍କୁ ଉଦ୍ଧାର କରିଛି ରାଉରକେଲା ଏବଂ କୁଆରମୁଣ୍ଡା ପୁଲିସ । ଏହି ଯୁବତୀ ଦ୍ବୟ ଙ୍କୁ କୁଆରମୁଣ୍ଡା ଷ୍ଟେଟବ୍ୟାଙ୍କ ପଛପଟ ଏକ ଘରେ ରଖା ଯାଇଥିଲା । ଗ୍ଲେଜ ଇଣ୍ଡିଆ ନାମକ ଏକ ଘରୋଇ କମ୍ପାନି ଚାକିରି ଦେବା ନାମରେ ବିଭିନ୍ନ ସ୍ଥାନରେ ଏପରି ଠକେଇ କରିବା ଅଭିଯୋଗ ପୂର୍ବରୁ ହୋଇଥିଲା ।
Sambad is now on WhatsApp
Join and get latest news updates delivered to you via WhatsApp
ଏବେ ରାଉରକେଲା ପୁଲିସ ନିକଟରେ ଅଭିଯୋଗ ହେବା ପରେ ରାଉରକେଲା ଏବଂ କୁଆରମୁଣ୍ଡା ପୁଲିସ ମିଳିତ ଚଢ଼ାଉ କରି ଯୁବତୀଙ୍କୁ ଦ୍ୱୟ ଙ୍କୁ ଉଦ୍ଧାର କରିଛନ୍ତି। ପୁଲିସ କମ୍ପାନିର ୩ ଜଣ କର୍ମଚାରୀଙ୍କୁ ଅଟକ ରଖି ପଚରା ଉଚୁରା କରୁଛି । ଉକ୍ତ ଘରେ ଅଟକ ରହିଥିବା ଅନ୍ୟ ଯୁବତୀଙ୍କ ବାବଦରେ ମଧ୍ୟ ପୁଲିସ ପକ୍ଷରୁ ଷ୍ଟେଟମେଣ୍ଟ ରେକର୍ଡ କରାଯାଉଛି । ଏହି ଠକେଇ ମାମଲାର ଅଧିକ ତଦନ୍ତ ଜାରି ରହିଛି । ପୂର୍ବରୁ ବେଦବ୍ୟାସ ବିଶ୍ଵକର୍ମା ବିହାରରୁ ବ୍ରାହ୍ମଣୀ ତରଙ୍ଗ ପୁଲିସ ଦୁଇ ଯୁବତୀଙ୍କୁ ଉଦ୍ଧାର କରିଥିଲା l