ଯାଜପୁର: ନିଶାଶକ୍ତ ପୁତୁରାର କଟୁରୀ ଚୋଟରେ ଦାଦାର ମୃତ୍ୟୁ ଘଟିଛି । ବରୀ ରାମଚନ୍ଦ୍ରପୁର ଥାନା ରମ୍ପା ଗ୍ରାମରେ ଏପରି ଅଘଟଣ ସାମ୍ନାକୁ ଆସିଛି । ଗ୍ରାମର ପିୟୁଷକାନ୍ତ ବାହାଲିଆ(୩୨) ସବୁ ବେଳେ ନିଶା ଶକ୍ତ ହୋଇ ଗ୍ରାମବାସୀ ଡରାଇ ଧମକାଇ ରଖି ଆସୁଥିଲା । ଏପରିକି ଗ୍ରାମବାସୀ ତାର କାର୍ଯ୍ୟକଳାପକୁ ଭୟ କରୁଥିଲେ । ଏହି କାର୍ଯ୍ୟକଳାପକୁ ତାଙ୍କ ଦାଦା ଦେବେନ୍ଦ୍ର ବାହାଲିଆ(୪୭) ବିରୋଧ କରି ଆସୁଥିଲେ ।
Sambad is now on WhatsApp
Join and get latest news updates delivered to you via WhatsApp
ତେବେ ଆଜି ମଧ୍ୟାହ୍ନରେ ଦେବେନ୍ଦ୍ର ଖାଉଥିବା ସମୟରେ ହଠାତ୍ ପୁତୁରା ପିୟୁଷକାନ୍ତ ଏକ କଟୁରୀ ଆଣି ଦାଦାଙ୍କ ମୁଣ୍ଡକୁ ଆକ୍ରମଣ କରିଥିଲା । ସଙ୍ଗେସଙ୍ଗେ ତାଙ୍କୁ ପରିବାର ଲୋକ ଯାଜପୁର ମୁଖ୍ୟ ଚିକିତ୍ସାଳୟ ନେଉଥିବା ବାଟରେ ତାଙ୍କର ମୃତ୍ୟୁ ହୋଇଯାଇଛି । ମୃତ ଦେହକୁ ବ୍ୟବଚ୍ଛେଦ ପାଇଁ ବ୍ୟବସ୍ଥା କରାଯାଇଥିବା ବେଳେ ଅଭିଯୁକ୍ତ ଘଟଣା ପରେ ପୁତୁରା ହୋଇଯାଇଛି । ବରୀ ପୁଲିସ ଖବର ପାଇଁ ତଦନ୍ତ ଆରମ୍ଭ କରିଛି । ତେବେ ମୃତ ଦେବେନ୍ଦ୍ର ମାରବଲ କାମ କରି ପରିବାର ପ୍ରତିପୋଷଣ କରୁଥିବା ବେଳେ ଏବେ କୁନି କୁନି ଦୁଇ ଝିଅ ଓ ପତ୍ନୀ ଭାଙ୍ଗି ପଡିଛନ୍ତି। ଅଭିଯୁକ୍ତକୁ କଠୋର ଦଣ୍ଡ ମିଳୁ ବୋଲି ଅଂଚଳବାସୀ ଦାବି କରିଛନ୍ତି।