ଏଥର ଓଡ଼ିଶାରେ ଡବଲ୍ ଇଂଜିନ୍ ସରକାର: କେନ୍ଦ୍ରମନ୍ତ୍ରୀ

ରାଇରଙ୍ଗପୁର/ଗୋରୁମହିଷାଣୀ: ମୟୂରଭଂଜ ଜିଲ୍ଲା ରାଇରଙ୍ଗପୁର ନିର୍ବାଚନ ମଣ୍ଡଳୀର ଗୋରୁମହିଷାଣୀଠାରେ ବିଜୟ ସଂକଳ୍ପ ସମାବେଶ ଅନୁଷ୍ଠିତ ହୋଇଯାଇଛି। ବିଜେପିର ଅଶୋକ ମହାନ୍ତଙ୍କ ସଭାପତିତ୍ୱ ଉକ୍ତ ବିଜୟ ସଂକଳ୍ପ ସମାବେଶରେ ମୁଖ୍ୟଅତିଥି ଭାବେ ଝାଡଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ତଥା କେନ୍ଦ୍ରମନ୍ତ୍ରୀ ଅର୍ଜୁନ ମୁଣ୍ଡା ଯୋଗଦେଇ ବିଜେପି ସରକାରଙ୍କ ବିଭିନ୍ନ ଯୋଜନା ଉପରେ ଆଲୋକପାତ କରିଥିଲେ। ଓଡ଼ିଶାର ଉନ୍ନତି ପାଇଁ ବିଜେପି ସରକାର (ଡବଲ ଇଂଜିନ) ହେବା ଦରକାର ବୋଲି ନିଜ ବ୍ୟକ୍ତବ ରଖିଥିଲେ। ସେଥିପାଇଁ ମୟୂରଭଂଜ ଜିଲ୍ଲାର ବିଜେପି ଲୋକସଭା ପ୍ରାର୍ଥୀ ନବଚରଣ ମାଝୀ, ରାଇରଙ୍ଗପୁର ବିଧାନସଭା ନିର୍ବାଚନ ମଣ୍ଡଳୀର ବିଜେପି ପ୍ରାର୍ଥୀ ଜଲେନ ନାଏକ ଓ ସାରସକଣା ନିର୍ବାଚନ ମଣ୍ଡଳୀର ବିଧାୟକ ପ୍ରାର୍ଥୀ ଭାଦବ ହାଁସଦାଃଙ୍କୁ ବିପୁଳ ସଂଖ୍ୟାରେ ଭୋଟ୍ ଦେଇ ଜୟଯୁକ୍ତ କରାଇବା ପାଇଁ ଉପସ୍ଥିତ ଜନସାଧାରଣଙ୍କୁ ନିବେଦନ କରିଥିଲେ।

ବିଜୟ ସଂକଳ୍ପ ସମାବେଶ ସମୟରେ ମଂଚରେ ବିଜେପିର ରାଜ୍ୟ ସମ୍ପାଦକ ନବୀନ ରାମ, ସାଂସଦ ପ୍ରାର୍ଥୀ ନବଚରଣ ମାଝୀ, ରାଇରଙ୍ଗପୁର ବିଧାୟକ ପ୍ରାର୍ଥୀ ଜଲେନ ନାଏକ, ସାରସକଣା ବିଧାୟକ ପ୍ରାର୍ଥୀ ଭାଦବ ହାଁସଦାଃ, ମଧ୍ୟପ୍ରଦେଶ ରାଜ୍ୟର ଖଣ୍ଡୱା ସାଂସଦ ଜ୍ଞାନେଶ୍ୱର ପାଟିଲ, ବାପି ଦାସ, ସମରା ମାଝୀ, ଉମେଶ ସାହୁ, ମହିଳା ମୋର୍ଚ୍ଚା ସଭାପତି ବିଜୟଲକ୍ଷ୍ମୀ ମହାନ୍ତ, ମିଥିଳା ଟୁଡୁ, ରାନୀ ମଣ୍ଡଳ, ରଂଜିତା ମହାନ୍ତଙ୍କ ସମେତ ବହୁ ନେତା ଓ କର୍ମୀ ଉପସ୍ଥିତ ଥିଲେ । ଉକ୍ତ ସମାବେଶରେ ହଜାର ହଜାର ଜନସାଧାରଣ ଉପସ୍ଥିତ ଥିଲେ । ଏହି ଅବସରରେ ବିଭିନ୍ନ ଦଳର ଶତାଧିକ କର୍ମୀ ବିଜେପିରେ ମିଶିଥିଲେ ।