ଖୋର୍ଦ୍ଧାରୁ କୋଲକାତା ଗୋଚାଲାଣବେଳେ ଅଟକାଇଲା ବଜରଙ୍ଗ ଦଳ
ଭୁବନେଶ୍ୱର: ବେଆଇନ ଗୋରୁ ବୋଝେଇ ଗାଡିକୁ ଅଟକାଇଲା ବଜରଙ୍ଗ ଦଳ | ଖୋର୍ଦ୍ଧାରୁ କୋଲକାତା ଗୋଚାଲାଣ ହେଉଥିବା ବେଳେ ଭୁବନେଶ୍ୱର ସିଜୁଆ ଓଭର ବ୍ରିଜ ପାଖରେ ବଜରଙ୍ଗ ଦଳ କାର୍ଯ୍ୟକର୍ତ୍ତାମାନେ ଗାଡିକୁ ଅଟକାଇଥିଲେ | ପାଖାପାଖି ୧୦୦ରୁ ଉର୍ଦ୍ଧ୍ୱ ଗୋରୁଙ୍କୁ ଉଦ୍ଧାର କରାଯାଇଛି | ଉଦ୍ଧାର ଗୋରୁମାନଙ୍କୁ ପୁଲିସ ପିପୁଲ ଫର ଆନିମଲରେ ଛାଡିଥିବା ଜଣାପଡିଛି |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ଗତକାଲି ବିଳମ୍ବିତ ରାତିରେ ଦୁଇଟି ଗାଡ଼ିରେ କୋଲକାତାକୁ ଗୋରୁ ଚାଲାଣ ହେଉଥିବାର ବଜରଙ୍ଗ ଦଳ କାର୍ଯ୍ୟକର୍ତ୍ତାଙ୍କ ପାଖରେ ଖବର ପହଞ୍ଚିଥିଲା | ଏହା ପରେ ସେମାନେ ସିଜୁଆ ଓଭରବ୍ରିଜ ନିକଟରେ ରୁଣ୍ଡ ହୋଇଥିଲେ | ଏହି ସମୟରେ ଦୁଇଟି ଗାଡ଼ିରେ ଗୋଚାଲାଣକାରୀ ଆସୁଥିବାବେଳେ ସେମାନଙ୍କୁ ଅଟକ ଯାଇଥିଲା |
ଏହି ସମୟରେ ପ୍ରାୟ ଶତାଧିକ ଗୋରୁ ଦୟନୀୟ ସ୍ଥିତିରେ ଗାଡ଼ିରେ ଥିବାର ଜଣାପଡିଥିଲା | ଏହା ପରେ ପୁଲିସକୁ ଏବାବଦରେ ସୂଚନା ଦିଆଯାଇଥିଲା | ପୁଲିସ ଘଟଣାସ୍ଥଳରେ ପହଞ୍ଚି ଗାଡି ଦୁଇଟିକୁ ଜବତ କରି ଗୋରୁମାନଙ୍କୁ ପିପୁଲ ଫର ଆନିମଲରେ ଛାଡିଥିବା ଜଣାପଡିଛି |