ପାତ୍ରପୁର : ଗଞ୍ଜାମ ଜିଲ୍ଲା ପାତ୍ରପୁର ବିଡିଓ ପ୍ରକାଶ ଦାସଙ୍କୁ ୪ ଘଣ୍ଟା ଅଟକ ରଖିବା ପରେ ମୁକ୍ତ କରିଛନ୍ତି ଧାଡ଼ିଆମ୍ବ ଗ୍ରାମବାସୀ । ଭୋଟର ତାଲିକାରେ କିଛି ଗ୍ରାମବାସୀଙ୍କ ନାଁ ନଥିବା ଓ ମୌଳିକ ସୁବିଧା ନଥିବା ପ୍ରତିବାଦରେ ଗ୍ରାମବାସୀ ତାଙ୍କୁ ଅଟକ ରଖିଥିଲେ ।
Sambad is now on WhatsApp
Join and get latest news updates delivered to you via WhatsApp
ତୁମ୍ବା ଲିମେଶ୍ବରୀ ବିଦ୍ୟାଳୟ ରୂପାନ୍ତିକରଣ କାର୍ଯ୍ୟ ଦେଖି ଫେରିବା ବାଟରେ ଗୋପିନାଥପୁର ଛକରୁ ବିଡ଼ିଓଙ୍କୁ ଚାରି କିଲୋମିଟର ଚଲାଇ ଚଲାଇ ଧାଡିଆମ୍ବ ଗ୍ରାମକୁ ଆଣିଥିଲେ । ଗ୍ରାମରେ ପ୍ରାୟ ୪ ଘଣ୍ଟା ଅଟକ ରଖିଥିଲେ । ଭୋଟ ତାଲିକାରେ କିଭଳି ନାମ କଟିଲା ପଚାରିବା ସହ ଆମେ ଭୋଟ ତାଲିକାରେ ନାମ ଯୋଡିବା ସହ ସମସ୍ତ ମୌଳିକ ସୁବିଧାରୁ କେହି ବଞ୍ଚିତ ହେବେ ନାହିଁ ବୋଲି କହି ଅଡି ବସିଥିଲେ ।
ଖବର ପାଇ ଜରଡା ଥାନା ଅଧିକାରୀ ଭବାନନ୍ଦ ପ୍ରଧାନ ସଦଳବଳଙ୍କ ସହ ବ୍ଳକ ପଦାଧିକାରୀ ମାନେ ପହଞ୍ଚିଥିଲେ । ବ୍ଳକ ପଦାଧିକାରୀ ଓ ପୋଲିସି ସହ ଗ୍ରାମବାସୀଙ୍କ ମଧ୍ୟରେ ଆପୋସ ବୁଝାମଣା ପରେ ଏକ ଲିଖିତ ଚୁକ୍ତିନାମା ଦେବା ପରେ ବିଡିଓ ଶ୍ରୀଦାସଙ୍କୁ ଗ୍ରାମବାସୀ ଛାଡିଥିଲେ ।