ମୟୂରଭଞ୍ଜ ଜିଲ୍ଲାରେ ସ୍ୱତନ୍ତ୍ର ଭୋଟର ତାଲିକା ସଂଶୋଧନ ପ୍ରକ୍ରିୟା

ଚଳିତ ମାସ ୧୬ରୁ ଆସନ୍ତା ମାସ ୧୫ ପର୍ଯ୍ୟନ୍ତ ଚାଲିବ ଭୋଟର ତାଲିକା ସଂଶୋଧନ ପ୍ରକ୍ରିୟା

ବାରିପଦା: ରାଜ୍ୟ ନିର୍ବାଚନ କମିଶନଙ୍କ ନିର୍ଦ୍ଦେଶ କ୍ରମେ ମୟୂରଭଞ୍ଜ ଜିଲ୍ଲା ପ୍ରଶାସନ ତଥା ଜିଲ୍ଲା ନିର୍ବାଚନ ଅଧିକାରୀଙ୍କ ତତ୍ୱାବଧାନରେ ଜିଲ୍ଲାର ୯ଟି ନିର୍ବାଚନୀ ମଣ୍ଡଳୀର ସମସ୍ତ ବୁଥ୍ ସ୍ତରରେ ସ୍ୱତନ୍ତ୍ର ଭୋଟର ତାଲିକା ସଂଶୋଧନ ପ୍ରକ୍ରିୟା ତ୍ୱରାନ୍ବିତ କରାଯାଉଅଛି । ଏହି କାର୍ଯ୍ୟକ୍ରମ ଅନ୍ତର୍ଗତ ଆଗାମୀ ୨୦୨୧ ଜାନୁୟାରୀ ପହିଲାକୁ ଯୋଗ୍ୟତାସୂଚକ ୧୮ ବର୍ଷ ଓ ତଦୁର୍ଦ୍ଧ୍ବ ସମସ୍ତ ସାବାଳକ ନାଗରିକମାନଙ୍କର ନିର୍ଭୂଲ ଭୋଟର ତାଲିକା ପ୍ରସ୍ତୁତି ସକାଶେ ନୂତନ ଭୋଟରଙ୍କ ନାମ ପଞ୍ଜିକରଣ କରାଯିବ ସହିତ ଭୋଟର ତାଲିକାରୁ ମୃତକ ଓ ସ୍ଥାନାନ୍ତରିତ ବ୍ୟକ୍ତିଙ୍କ ନାମ ବାଦ୍ ଦେବା ଏବଂ ଭୋଟର ତାଲିକାରେ ନିଜର କୌଣସି ଭୁଲ ଓ ତୃଟି ଇତ୍ୟାଦିର ସଂଶୋଧନ ନିମନ୍ତେ ଉଦ୍ଧିଷ୍ଟ ଥିବା ଫର୍ମରେ ଯଥାକ୍ରମେ ଫର୍ମ ନଂ-୬,୭,୮ ଓ ୮(କ) ରେ ସଂପୃକ୍ତ ବୁଥ ସ୍ତରୀୟ (ବିଏଲ୍ଓ) ଙ୍କ ସହଯୋଗରେ ଫର୍ମ ପୂରଣକରି ଆସନ୍ତା ମାସ ୧୫ ମଧ୍ୟରେ ନୂତନ ଭୋଟରଙ୍କ ନାମପଞ୍ଜିକରଣ ଏବଂ ଆପତି ଅଭିଯୋଗ ଦରଖାସ୍ତ ଆବେଦନ କରାଯିବାର କାର୍ଯ୍ୟକ୍ରମ ନିର୍ଦ୍ଧାରିତ ହୋଇଛି ।

କାର୍ଯ୍ୟସୂଚୀ ମତେ ମୟୂରଭଞ୍ଜ ଜିଲ୍ଲା ସମସ୍ତ ୯ ଗୋଟି ବିଧାନସଭା ନିର୍ବାଚନ ମଣ୍ଡଳୀର ସମସ୍ତ ବୁଥ ସ୍ତରରେ ଚିଠା ଭୋଟର ତାଲିକା ଚଳିତ ମାସ ୧୬ରୁ ସମସ୍ତ ବୁଥ୍ / ଏଇଆର୍ଓ/ ତଥା ଉପଜିଲ୍ଲାପାଳ ତଥା ଇଆର୍ଓ ସ୍ତରରେ ଚିଠା ଭୋଟର ତାଲିକା ୨୦୨୦ ପ୍ରକାଶିତ ହୋଇଅଛି । ଏହି ଭୋଟର ତାଲିକା ସଂଶୋଧନ ପ୍ରକିୟା ଆସନ୍ତା ମାସ ୧୫ ପର୍ଯ୍ୟନ୍ତ ଚାଲୁ ରହିବ । ଏହି ସମୟ ମଧ୍ୟରେ ଦାଖଲ ହୋଇଥିବା ସମସ୍ତ ଆପତି ଅଭିଯୋଗ ଉପରେ ଆସନ୍ତା ଜାନୁୟାରୀ ୨୭ ତାରିଖ ସୁଦ୍ଧା ଫଏସଲା କରାଯିବ ।

ଫଏସଲା ହୋଇଥିବା ସମସ୍ତ ଆପତି ଅଭିଯୋଗ ଗୁଡିକର କମ୍ପ୍ୟୁଟୀକରଣ ଅପଟୁଡେଟ୍ ଡାଟାବେସ ଆସନ୍ତା ୧୪ ଜାନୁୟାରୀ ୨୦୨୧ ରିଖ ସୁଦ୍ଧା ପ୍ରସ୍ତୁତି କରାଯାଇ ଆସନ୍ତା ବର୍ଷ ୧୫ ଜାନୁୟାରୀ ଦିନ ଚୁଡାନ୍ତ ଭୋଟର ତାଲିକା ପ୍ରକାଶିତ ହେବ । ଜିଲ୍ଲାରେ ଏହି କାର୍ଯ୍ୟକ୍ରମର ଜନସାଧାରଣ ଙ୍କ ମଧ୍ୟରେ ସଚେତନତା ତଥା ସଫଳ ରୂପାୟନ ପାଇଁ ଦଳୀୟ ରାଜନୈତିକ କର୍ମକର୍ତାମାନଙ୍କୁ ନେଇ ଗତକାଲି ଅପରାହ୍ନରେ ଜିଲ୍ଲାପାଳଙ୍କ କର୍ଯ୍ୟାଳୟ ପ୍ରକୋଷ୍ଠରେ ଜିଲ୍ଲାପାଳ ବିନୀତ୍ ଭରଦ୍ୱାଜ୍ଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଯାଇଅଛି । ବୈଠକରେ ଜିଲ୍ଲାପାଳ ଶ୍ରୀ ଭରଦ୍ୱାଜ୍ ଭୋଟର ସଂଶୋଧନ ପ୍ରକିୟା କାର୍ଯ୍ୟକ୍ରମର ଆଭିମୁଖ୍ୟ ଉପରେ ଉଲ୍ଲେଖ କରି ଜିଲ୍ଲାରେ ସ୍ୱଚ୍ଛ ଓ ନିର୍ଭୁଲ ଭୋଟର ତାଲିକା ପ୍ରସ୍ତୁତି ଦିଗରେ ବିଶେଷ ଧ୍ୟାନ ଦେଇ କାର୍ଯ୍ୟକ୍ରମ ସଂପାଦନ ସକାସେ ଜିଲ୍ଲାର ସମସ୍ତ ଉପଜିଲ୍ଲାପାଳ ତଥା ଇଆରଓ ଏଇଆର୍ଓ ଙ୍କ ତତ୍ୱାବଧାନରେ ସଂପୃକ୍ତ ବିଏଲଓ ମାନଙ୍କ ସହଯୋଗରେ କାର୍ଯ୍ୟକ୍ରମ ତ୍ୱରାନ୍ବିତ କରାଯାଉଥିବା ସୂଚାଇଥିଲେ । ଏହି ସ୍ୱତନ୍ତ୍ର ଭୋଟର ତାଲିକା ସଂଶୋଧନ ଅଭିଯାନ କାର୍ଯ୍ୟକ୍ରମରେ ବିଶେଷ କରି ୧୮ ରୁ ଉର୍ଧ୍ବ ଯୁବ ଭୋଟର ଏବଂ ସମସ୍ତ ଭିନ୍ନକ୍ଷମ ବ୍ୟକ୍ତି ମାନଙ୍କୁ ସାମିଲ ପାଇଁ ଗୁରୁତ୍ୱ ଦିଆଯାଇଛି । ବୁଥ୍ ସ୍ତରରେ ଅନୁଷ୍ଠିତ ହେଉଥିବା ଏହି କାର୍ଯ୍ୟକ୍ରମରେ ଜିଲ୍ଲାର ନୂତନ ଭୋଟରଙ୍କ ନାମ ପଞ୍ଜିକରଣ ଓ ସଂଶୋଧନ ଆଦି ଅଭିଯାନ କାର୍ଯ୍ୟରେ ସଂପୃକ୍ତ ବିଏଲ୍ଓ ଙ୍କୁ ସହଯୋଗ କରିବା ପାଇଁ ବିଭିନ୍ନ ଦଳୀୟ ରାଜନୈତିକ ତରଫରୁ ଏଜେଂଟ ମାନଙ୍କୁ ସାମିଲ କରାଯିବା ଏବଂ ଜନସଚେତନତା ପାଇଁ ଗଣମାଧ୍ୟମର ପ୍ରତିନିଧି ମାନଙ୍କ ସହଯୋଗ କରିବା ପାଇଁ ପରାମର୍ଶ ଦିଆଯାଇଛି । ଉକ୍ତ ବୈଠକରେ ଅତିରିକ୍ତ ଜିଲ୍ଲାପାଳ ରୁଦ୍ର ନାରାୟଣ ମହାନ୍ତି, ବାରିପଦା ଉପଜିଲ୍ଲାପାଳ ପି.ଅନ୍ୱେଷା ରେଡ୍ଡି, ଡେପୁଟି କଲେକ୍ଟର (ନିର୍ବାଚନ) ସମରଜିତ କର, ଜିଲ୍ଲା ସୂଚନା ଓ ଲୋକ ସଂପର୍କ ଅଧିକାରୀ ରବିନ୍ଦ୍ର କୁମାର ନାୟକ ପ୍ରମୁଖ ସମେତ ବିଭିନ୍ନ ରାଜନୈତିକ ଦଳର ପ୍ରତିନିଧି ମାନେ ଯୋଗଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ ।

ସମ୍ବନ୍ଧିତ ଖବର

Comments are closed.