ତେନ୍ତୁଳିଖୁଣ୍ଟି: ଆଜି ତେନ୍ତୁଳିଖୁଣ୍ଟି ବ୍ଲକରେ ଦ୍ଵିତୀୟ ପର୍ଯ୍ୟାୟ ଭୋଟଦାନ କାର୍ଯ୍ୟକ୍ରମ ଅନୁଷ୍ଠିତ ହେଉଛି | ତେବେ ସଦର ତେନ୍ତୁଳିଖୁଣ୍ଟି ସଦର ପଂଚାୟତ ଅନ୍ତର୍ଗତ ବରଡ଼ାଯୋଡି ଓ ଲଦିପଦର ଗ୍ରାମବାସୀ ରାସ୍ତା, ପାନୀୟଜଳ ଓ ବିଜୁଳି ବ୍ୟବସ୍ଥା ନେଇଁ ପ୍ରଶାସନକୁ ଭୋଟ ବର୍ଜନ ପାଇଁ ଚେତାବନୀ ଦେଇଥିବାବେଳେ ତାହା ଏବେ ବାସ୍ତବର ରୂପ ନେଇଛି | ବରଡ଼ାଯୋଡି ଗ୍ରାମରେ ପୁଲିଂ ଦଳ ପହଞ୍ଚି ମତଦାନ କେନ୍ଦ୍ର ସ୍ଥାପନ ହୋଇଥିଲେ ହେଁ ଦୁଇ ଗ୍ରାମବାସୀ ଭୋଟ ଦେବାକୁ ଆସିନାହାନ୍ତି |
Sambad is now on WhatsApp
Join and get latest news updates delivered to you via WhatsApp
ଗତକାଲି ସନ୍ଧ୍ୟାରେ ତେନ୍ତୁଳିଖୁଣ୍ଟି ବିଡ଼ିଓ ଦୁର୍ଯ୍ୟୋଧନ ଭୋଇ ବରଡ଼ାଯୋଡି ଗ୍ରାମକୁ ଯାଇ ଭୋଟ ଦେବା ନିମନ୍ତେ ଅନୁରୋଧ କରିବା ସତ୍ୱେ ଭୋଟ ଦେବାକୁ ସମ୍ପୃକ୍ତ ଦୁଇ ଗ୍ରାମବାସୀ ରୋକଠୋକ ମନା କରିଦେଇଛନ୍ତି |
ଦୁଇ ଗ୍ରାମକୁ ରାସ୍ତା, ପାନୀୟ ଜଳ ଓ ବିଜୁଳି ବ୍ୟବସ୍ଥା ନହେବା ପର୍ଯ୍ୟନ୍ତ ଆମେ ଭୋଟ ଦେବୁନାହିଁ ବୋଲି ଉଭୟ ଗ୍ରାମବାସୀ ପ୍ରକାଶ କରିଛନ୍ତି | ରିପୋର୍ଟ ଲେଖା ହେବା ସୁଦ୍ଧା ବରଡ଼ାଯୋଡି ଓ ଲଦପଦର ଗ୍ରାମର କୌଣସି ଭୋଟର ମତଦାନ କେନ୍ଦ୍ରକୁ ଆସିନଥିବା ସୂଚନା ମିଳିଛି |