ହଇଜା ରୋକିବା ପ୍ରତିବାଦରେ ୱାଟକୋ ଅଫିସ ଘେରାଉ

ରାଉରକେଲା : ସହରରେ ଦିନକୁ ଦିନ ବ୍ୟାପୁଥିବା ହଇଜା ରୋକିବା ପ୍ରତିବାଦରେ ବିଜେପି ଯୁବ ମୋର୍ଚ୍ଚା ପକ୍ଷରୁ ପାନପୋଷସ୍ଥ ୱାଟକୋ ମୁଖ୍ୟ କାର୍ଯ୍ୟାଳୟ ଘେରାଉ କରାଯାଇଛି | ଯୁବମୋର୍ଚା ସଭାପତି ସୂର୍ଯ୍ୟ ମହାନ୍ତିଙ୍କ ନେତୃତ୍ୱରେ ଶତାଧିକ ନେତା କର୍ମୀ ଅଫିସ ଘେରିବା ସହ ସରକାରୀ ବିରୋଧୀ ନାରା ଦେଇଥିଲେ | ବିଜେପି ଜିଲ୍ଲା ସଭାନେତ୍ରୀ ଲତିକା ପଟନାୟକ କହିଛନ୍ତି ୱାଟକୋ ସହରବାସୀଙ୍କୁ ଦୂଷିତ ପାଣି ଯୋଗାଣ କରୁଛି |

ଜିଲ୍ଲା ପ୍ରଶାସନ ହଇଜା ରୋକିବାରେ ସମ୍ପୂର୍ଣ ବିଫଳ ହୋଇଛି | ପୂର୍ବରୁ ବାରମ୍ବାର କହିବା ସତ୍ୱେ ୱାଟକୋ ଅଧିକାରୀ ଏଥି ପ୍ରତି ଗୁରୁତ୍ୱ ଦେଲା ନାହିଁ | ତୁରନ୍ତ ପ୍ରତିକାର କରା ନ ଗଲେ ଆନ୍ଦୋଳନ ଆହୁରି ବ୍ୟାପକ କରାଯାଇଛି | ଆନ୍ଦୋଳନରେ ବିଜେପି ରାଜ୍ୟ ମୁଖ୍ପାତ୍ର ଧିରେନ ସେନାପତି, ସୁବ୍ରତ ପଟନାୟକ, କଳ୍ପନା ଲେଙ୍କା, କୈଳାସ ରାଉତ ପ୍ରମୁଖ ସାମିଲ ଥିଲେ |