ସାମାନ୍ୟ ବର୍ଷାରେ ଆଣ୍ଠୁଏ ପାଣି, ଡ୍ରେନେଜ୍ ମାଧ୍ୟମରେ ଜଳ ନିଷ୍କାସନ ଦାବି
ବୀରମହାରାଜପୁର: ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକର ମେଣ୍ଡାମାଳ ଗାଁ । ହିଲୁଙ୍ଗ ପଞ୍ଚାୟତର ଏହା ହେଉଛି ସବୁଠାରୁ ବଡ଼ ଗାଁ । ଚାରି ୱ।ର୍ଡ ବିଶିଷ୍ଟ ଏହି ଗ୍ରାମରେ ପ୍ରାୟ ଜନସଙ୍ଖ୍ୟା ତିନି ହଜାର ଉପରେ । କିନ୍ତୁ ଏହି ଗାଁର ବିକାଶ କଥା ଚିନ୍ତା କଲେ ମନରେ ଏକ ଭିନ୍ନ ଭାବନା ଆସିଥାଏ । ଗାଁ ମୁଣ୍ଡରେ ଆଣ୍ଠୁଏ ପାଣି ଜମା ହୋଇରହିଛି । କାରଣ ୨ ଦିନ ପୂର୍ବରୁ ଗାଁରେ ଅସରାଏ ବର୍ଷା ହୋଇଥିଲା । ଏହି କାଦୁଅ ପାଣି ଭିତରେ ଗାଁର ସମସ୍ତ ଲୋକେ ଯିବା-ଆସିବା କରିବାକୁ ବାଧ୍ୟ ହେଉଛନ୍ତି । ଏହା ସହିତ ଏହି ରାସ୍ତା ଦେଇ ଗାଁ ମୁଣ୍ଡରେ ଥିବା ଏକ ମାତ୍ର ନଳକୂଅ ପିଇବାପାଣି ଉପରେ ନିର୍ଭର କରୁଛନ୍ତି ଗ୍ରାମବାସୀ । ସେଥିପାଇଁ ଯେତେ ଯାହା ଅସୁବିଧା ହେଲେବି ଏହି ଆଣ୍ଠୁଏ ପାଣି ଦେଇଜିବା ଆସିବା ବାଧ୍ୟ ହେଉଛନ୍ତି।
Sambad is now on WhatsApp
Join and get latest news updates delivered to you via WhatsApp
୧୦ ବର୍ଷ ପୂର୍ବରୁ କିଛିଟା ଡ୍ରେନେଜ୍ କାମ ହୋଇଥିଲା, ଯାହାକି ସଂପୂର୍ଣ୍ଣ ହୋଇନାହିଁ । ଫଳରେ ପାଣି ନିଷ୍କାସନ ହୋଇ ପାରୁ ନାହିଁ । ଏହା ବ୍ୟତୀତ ପଡୋଶୀ ଗ୍ରାମ ନୂଆପାଲିକୁ ଯିବା-ଆସିବା ରାସ୍ତା ହୋଇଥିବାରୁ ଯାତାୟାତ ପାଇଁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡୁଛି । ଏହି ରାସ୍ତା ଦେଇ ଗ୍ରାମର କର୍ଣ୍ଣପଡ଼ାବାସୀଙ୍କ ପାଇଁ ଅନ୍ୟ ରାସ୍ତା ନଥିବାରୁ ଯିବା-ଆସିବାରେ ଅନେକ ଅସୁବିଧା ସମ୍ମୁଖୀନ ହେବାସହ ବର୍ଷା ଦିନରେ ଅନେକ ଲୋକଙ୍କ ଘରକୁ ଦୂଷିତ ପାଣି ପ୍ରବେଶ କରି ଯାଉଥିବାରୁ ଜନସାଧାରଣ ନାହିଁ ନଥିବାର ଅସୁବିଧା ହେଉଛି ।
ଏ ବିଷୟରେ ସରପଂଚଙ୍କ ଠାରୁ ଆରମ୍ଭ କରି ବ୍ଳକ ପ୍ରଶାସନକୁ ବାରମ୍ବାର ଅଭିଯୋଗ କଲେ ମଧ୍ୟ ଏଥିପ୍ରତି କେହି ଦୃଷ୍ଟି ଦେଉନାହାନ୍ତି । ଗ୍ରାମର ସାମନ୍ତ ପାତ୍ର କହିଛନ୍ତି, ଯିବା-ଆସିବାପାଇଁ ଏହି ରାସ୍ତା ଉପରେ ଗ୍ରାମବାସୀ ନିର୍ଭର କରିଥାନ୍ତି । ଗ୍ରାମରେ ପାନୀୟ ଜଳ ଯୋଗାଣ ନାହିଁ କହିଲେ ଚଳେ । ଗାଁ ମୁଣ୍ଡରେ ଥିବା ନଳକୂପର ପାଣି ଉପରେ ନିର୍ଭରଶୀଳ ହେବାକୁ ପଡୁଛି ।