ଭୁବନେଶ୍ବର: ଦେଶର ସର୍ବୋଚ୍ଚ ପଦବୀ ପାଇଁ ଶାସକ ଏନଡିଏର ପ୍ରାର୍ଥୀ ହୋଇଛନ୍ତି ମୟୂରଭଞ୍ଜର ଝିଅ ଦ୍ରୌପଦୀ ମୁର୍ମୁ । ଦ୍ରୌପଦୀ ରାଷ୍ଟ୍ରପତି ପ୍ରାର୍ଥୀ ଘୋଷିତ ହେବା ପରଠାରୁ ମୟୂରଭଞ୍ଜରେ ଖୁସିର ଲହରି ଖେଳିଯାଇଛି । ସାରା ଜିଲ୍ଲାରେ ଏବେ ସବୁଠି ଦ୍ରୌପଦୀଙ୍କୁ ନେଇ ଚର୍ଚ୍ଚା । ଏଭଳି ସମୟରେ ମାଟିର ଝିଅ ସମ୍ପର୍କରେ ପ୍ରତିକ୍ରିୟା ରଖିଛନ୍ତି ତାଙ୍କୁ ପାଠ ପଢ଼ାଇଥିବା ଶିକ୍ଷକ ବାସୁଦେବ ବେହେରା ।
Sambad is now on WhatsApp
Join and get latest news updates delivered to you via WhatsApp
ବାସୁଦେବଙ୍କ କହିବା ଅନୁସାରେ, ସେ ୧୯୬୮ ମସିହାରେ ଦ୍ରୌପଦୀ ମୁର୍ମୁଙ୍କ ଗାଁ ଉପରବେଡ଼ାରେ ଥିବା ଏମ୍ଇ ସ୍କୁଲରେ ନିଯୁକ୍ତି ପାଇଥିଲେ । ସେହି ସମୟରେ ଦ୍ରୌପଦୀ ଷଷ୍ଠ ଶ୍ରେଣୀରେ ପଢୁଥିଲେ । ପିଲାଟି ଦିନରୁ ଦ୍ରୌପଦୀ ମେଧାବୀ ଥିଲେ ବୋଲି ଶିକ୍ଷକ ଶ୍ରୀଯୁକ୍ତ ବେହେରା କହିଛନ୍ତି ।
“ଦ୍ରୌପଦୀ ସପ୍ତମ ଶ୍ରେଣୀ ପରୀକ୍ଷାରେ ଫାଷ୍ଟ କ୍ଲାସରେ ଉତ୍ତୀର୍ଣ୍ଣ ହୋଇଥିଲେ । ଏହାପରେ ସେ ପାଠ ପଢ଼ିବା ପାଇଁ ଭୁବନେଶ୍ୱର ଚାଲିଗଲେ । ଦ୍ରୌପଦୀ ଯେ ଆଗକୁ ଜଣେ ବଡ଼ଲୋକ ହେବେ ଏହା ପିଲାଦିନୁ ଜଣା ପଡ଼ିଥିଲା । ସେ ଠିକ୍ ସମୟରେ ସ୍କୁଲକୁ ଆସୁଥିଲେ, ଭଲ ପାଠ ପଢୁଥିଲେ । ତାଙ୍କର ଖେଳକୁଦରେ ମଧ୍ୟ ଆଗ୍ରହ ଥିଲା ଏବଂ ସେ ଭଲ ଦୌଡ଼ିପାରୁଥିଲେ”, ବୋଲି କହିଛନ୍ତି ବାସୁଦେବ ସାର୍ ।
ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କ ସମ୍ପର୍କରେ ବାସୁଦେବ ସାର୍ ଆଉ କ’ଣ କହିଛନ୍ତି ଜାଣିବା ପାଇଁ ଦେଖନ୍ତୁ ଏହି ଭିଡିଓ ।