ସ୍ୱାମୀଙ୍କୁ ହତ୍ୟା କରି ବାଡ଼ିରେ ପୋଡି ଦେଇଥିଲା ସ୍ତ୍ରୀ; ମାଜିଷ୍ଟ୍ରେଟଙ୍କ ଉପସ୍ଥିତିରେ ଉଦ୍ଧାର ହେଲା ଖପୁରୀ ଏବଂ ହାଡ଼
ବାଲିପାଟଣା : ବାଲିପାଟଣା ଥାନା ବନମାଳିପୁର ଗ୍ରାମର ନିଧିରାମ ଗିରି ୩ ମାସ ନିଖୋଜ ଘଟଣା ଉପରୁ ପରଦା ହଟିଛି | ଶେଷରେ ଗତକାଲି ପତ୍ନୀ ଲିଲି ସ୍ୱାମୀଙ୍କୁ ହତ୍ୟା କରି ପୋଡିଦେଇଥିବା କଥା ସ୍ୱୀକାର କରିଥିଲେ |
Sambad is now on WhatsApp
Join and get latest news updates delivered to you via WhatsApp
ଏହି ଘଟଣା ଜଣାପଡ଼ିବା ପରେ ଗତକାଲି ଠାରୁ ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି। ଆଜି ପତିହନ୍ତା ପତ୍ନୀଙ୍କୁ ପୁଲିସ ହେପାଜତକୁ ନେଇଛି | ସାଇଣ୍ଟିଫିକ ଟିମ ସକାଳ ସାଢେ ୯ ଟାରେ ଘଟଣା ସ୍ଥଳରେ ପହଁଞ୍ଚିଥିଲେ | ବାଲିପାଟଣା ଅତିରିକ୍ତ ତହସିଲଦାର ଵିଭାସ ପାଣିଗ୍ରାହୀଙ୍କ ଉପସ୍ଥିତିରେ ମୃତ ବ୍ୟକ୍ତିଙ୍କ ଶରୀରର ହାଡ଼, ଖପୁରୀ ଏବଂ ଅନ୍ୟାନ୍ୟ ସାମଗ୍ରୀ ସାଇଣ୍ଟିଫିକ ଟିମ ଜବତ କରିଛି ।
|ନିଧିରାମଙ୍କ ଜ୍ୱାଇଁ ପ୍ରତାପ କୁମାର ଦେବତା ଲିଖିତ ଅଭିଯୋଗ କରିଛନ୍ତି | ବାଲିପାଟଣା ଥାନା କେଶ ୩୬0/୨0ରେ ପୁଲିସ ହତ୍ୟା ମାମଲା ରୁଜୁ କରି ଅଧିକ ତଦନ୍ତ ଜାରି ରଖିଛି | ପ୍ରତ୍ୟେକ ଦିନ ନିଧିଙ୍କୁ ୧ ହଜାର ଟଙ୍କା ଦେବା ପାଇଁ ଦାବି କରୁଥିଲା ଲିଲି | ସ୍ବଳ୍ପ ରୋଜଗାର ଭିତରେ ସେ ସକ୍ଷମ ହେଉ ନ ଥିଲେ | ଫଳରେ ଅନେକ ସମୟରେ ସ୍ତ୍ରୀର ନିର୍ଯାତନାର ଶିକାର ହେଉଥିଲେ |
ପ୍ରାପ୍ତ ସୂଚନା ଅନୁସାରେ , ଗତ ସେପ୍ଟେମ୍ବର ମାସ ୧୨ ତାରିଖରୁ ବନମାଳିପୁର ଗ୍ରାମର ନିଧିରାମଙ୍କ ପତା ମିଳୁ ନଥିଲା | ପତ୍ନୀ ଲିଲି ତାଙ୍କ ସ୍ୱାମୀ ନିଖୋଜ ଥିବା କହୁଥିଲେ | ସମ୍ପର୍କୀୟ ଏବଂ ଜ୍ୱାଇଁ ଥାନାରେ ଅଭିଯୋଗ ପାଇଁ କହୁଥିଲେ | ହେଲେ ସେ ବିଭିନ୍ନ ବାହାନା ଦେଖାଇ ଥାନା କଥାକୁ ଏଡାଇ ଦେଉଥିଲେ | ଶେଷରେ ଗତକାଲି ଗ୍ରାମବାସୀଙ୍କ ସାମ୍ନାରେ ହତ୍ୟା କଥା କହିଥିଲେ |
ପୁଲିସ ଘଟଣା ସ୍ଥଳରେ ସାରା ରାତି ଡେରା ପକାଇଥିଲା | ଆଜି ସାଇଣ୍ଟିଫିକ ଟିମ ଘଟଣାସ୍ଥଳରେ ପହଁଞ୍ଚି ପୋଡା ଯାଇଥିବା ସ୍ଥାନରୁ ଘଟଣା ସ୍ଥଳରୁ ଖପୁରୀ , ହାତ ଏବଂ ଗୋଡ଼ର ୫ରୁ ଅଧିକ ଖଣ୍ଡ ହାଡ଼, ଅଣ୍ଟା ହାଡ଼ , ପିଞ୍ଜରା ହାଡ଼, ଗଳା, ଅଖା, ଲୁଙ୍ଗି, ଫିନାଇଲ ବୋତଲ ପ୍ରଭୃତି ଜବତ ହୋଇଛି | ହତ୍ୟା କାଣ୍ଡରେ ବ୍ୟବହୃତ ହେମଦସ୍ତା ପୁଆ ଜବତ ହୋଇଛି | ପୁଲିସ ଅନ୍ୟ ଅଧିକ ତଦନ୍ତ ଆରମ୍ଭ କରିଛି |