ଖୋର୍ଦ୍ଧା : ମହିଳାଙ୍କ ଆତ୍ମହତ୍ୟା
ଖୋର୍ଦ୍ଧା : ଖୋର୍ଦ୍ଧା ସହରର ବିଡିଏ କଲୋନୀରେ ଜଣେ ମହିଳା ଆତ୍ମହତ୍ୟା କରିଛନ୍ତି । ସୂଚନା ପାଇ ପୁଲିସ ଶବ ଜବତ କରିବା ସହ ଏନେଇ ମାମଲା ରୁଜୁ କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନାନୁସାରେ, ଆଜି ସକାଳେ ବିଡିଏ କଲୋନୀ ଏଲ୍ ୩୨ରେ ରହୁଥିବା ଜଣେ ମହିଳା ଆତ୍ମହତ୍ୟା କରିଥିବା ନେଇ ଟାଉନ୍ ଥାନା ପୁଲିସ ସୂଚନା ପାଇଥିଲା । ପୁଲିସ ଘଟଣାସ୍ଥଳରେ ପହଂଚି ମହିଳାଙ୍କ ମୃତ ଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲା । ଏନେଇ ମାମଲାର ତଦନ୍ତ ଦାୟିତ୍ୱ ନେଇଥିବା ଏସ୍ଆଇ ବିଜୟ କେତନ ବେହେରା କହିଛନ୍ତି ଯେ ମୃତ ମହିଳାଙ୍କ ନାମ ଲକ୍ଷ୍ମୀପ୍ରିୟା ସାହୁ (୪୬), ତାଙ୍କ ସ୍ୱାମୀ ସୁବ୍ରତ କୁମାର ସାହୁ ଘରୋଇ ଟ୍ୟୁସନ୍ କରି ରୋଜଗାର କରନ୍ତି ।
ତାଙ୍କର ଗୋଟିଏ ପୁଅ ଓ ଝିଅ ଅଛନ୍ତି, ଉଭୟ ବଢ଼ନ୍ତି । ସେମାନଙ୍କ ଘର ବଙ୍ଗିଦା ରାଧାମାଧବପୁର ସେମାନେ ଖୋର୍ଦ୍ଧାରେ ଭଡ଼ା ଘରେ ରହୁଥିଲେ । ଆଜି ସକାଳେ ସୁବ୍ରତ ବାଘମାରୀ ଟ୍ୟୁସନ୍ ପାଇଁ ଯାଇଥିବା ବେଳେ ତାଙ୍କର ପୁଅଝିଅ ତାଙ୍କୁ ଫୋନ୍ କରି ମା’ ଆତ୍ମହତ୍ୟା କରିଥିବା କଥା ସୂଚନା ଦେଇଥିଲେ । ଏନେଇ ଖବର ପାଇ ପୁଲିସ ଘଟଣାସ୍ଥଳରେ ପହଂଚିବା ବେଳେ ଘରର ଏକ ପ୍ରକୋଷ୍ଠରେ ସେ ପିନ୍ଧିଥିବା ଲୁଗା ଦ୍ୱାରା ଫ୍ୟାନ୍ରେ ଝୁଲୁଥିବା ଦେଖିବାକୁ ପାଇଥିଲେ । ଏନେଇ ୭୦/୨୦୨୧ରେ ଏକ ମାମଲା ରୁଜୁ କରାଯିବା ସହ ମୃତଦେହକୁ ବ୍ୟବଚ୍ଛେଦ କରି ପରିବାରକୁ ହସ୍ତାନ୍ତର କରାଯାଇଛି । ପ୍ରାଥମିକ ଅନୁସନ୍ଧାନରୁ ଲକ୍ଷ୍ମୀପ୍ରିୟା ଗତ କିଛି ବର୍ଷ ଧରି ମାନସିକ ବ୍ୟାଧିରେ ପୀଡ଼ିତ ଥିଲେ, ଭୁବନେଶ୍ୱରରେ ଚିକିତ୍ସିତ ହେଉଥିଲେ ବୋଲି ଜଣାପଡ଼ିଛି ।