ବୌଦ୍ଧ: ବୌଦ୍ଧ ଥାନା ଜହ୍ନlପଙ୍କ ଫାଣ୍ଡି ଲକ୍ଷ୍ମୀପ୍ରସାଦ ଗ୍ରାମର ଗୌରୀ ମେହେର (୬୫) ମଧ୍ୟାହ୍ନରେ ଗାଧୋଇବା ପାଇଁ ଗ୍ରାମ ପାଖରେ ଥିବା ଘାଟବନ୍ଧକୁ ଯାଇ ପାଣିରେ ବୁଡି ଯାଇଥିବା ଜଣାପଡିଛି l ପରିବାର ଲୋକେ ବହୁ ଖୋଜା ଖୋଜି କରି ପାଇନଥିଲେ l ଦିନ ୪ଟାରେ କେତେକ ମହିଳା ଶୌଚ ପାଇଁ ପୋଖରୀକୁ ଯାଇଥିଲେ l ଏହା ଦେଖି ପରିବାର ଲୋକଙ୍କୁ ସୂଚନା ଦିଆଯାଇଥିଲା l ସେ ଜଣେ ମାନସିକ ଭିନ୍ନକ୍ଷମ ମହିଳା ବୃଦ୍ଧା ଥିବା ଗ୍ରାମବାସୀ ସୂଚନା ଦେଇଛନ୍ତି l ଖବର ପାଇ ବୌଦ୍ଧ ଦମକଳ ବାହିନୀ ଘଟଣାସ୍ଥଳରେ ପହଁଚି ମୃତ ବୃଦ୍ଧାଙ୍କ ଶବକୁ ପୋଖରୀରୁ ଉଦ୍ଧାର କରି ବୌଦ୍ଧ ଡାକ୍ତରଖାନା ପଠାଇଥିବା ଜଣାପଡିଛି l ଜହ୍ନlପଙ୍କ ଫାଣ୍ଡି ଅଧିକାରୀ ମଦନ ମୋହନ ପ୍ରଧାନ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ କରୁଥିବା ଜଣାପଡିଛି l ଆସନ୍ତାକାଲି ଶବ ବ୍ୟବଛେଦ କରି ପରିବାର ଲୋକଙ୍କୁ ହସ୍ତାନ୍ତର କରାଯିବ l ସେ ଏକ ଅସହାୟ ମହିଳା ହୋଇ ଥିବାରୁ ତାଙ୍କ ପରିବାରଙ୍କୁ ସରକାରୀ ସହାୟତା ଯୋଗାଇଦେବାକୁ ସାଧାରଣରେ ଦାବି ହେଉଛି l