ବିଶ୍ୱ ମିତବ୍ୟୟିତା ଦିବସ ଓ ସଚେତନତା ରଥର ଶୁଭାରମ୍ଭ
ଖୋର୍ଦ୍ଧା: ଖୋର୍ଦ୍ଧାଠାରେ ଆଜି ଜିଲ୍ଲାସ୍ତରୀୟ ବିଶ୍ୱ ମିତବ୍ୟୟିତା ଦିବସ ପାଳିତ ହୋଇଯାଇଛି । ଏହି ଅବସରରେ ଲୋକଙ୍କ ମଧ୍ୟରେ ସଞ୍ଚୟ ପ୍ରତି ସଚେତନତା ସୃଷ୍ଟି କରିବାକୁ ଏକ ସଚେତନତା ରଥର ଶୁଭାରମ୍ଭ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଆଜି ପୂର୍ବାହ୍ନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ ମନୋଜ କୁମାର ପାଢ଼ୀ ଅତିଥି ଭାବେ ଯୋଗ ଦେଇ ସଞ୍ଚୟ ସଚେତନତା ରଥର ଶୁଭାରମ୍ଭ କରିଥିଲେ । ଏହି ସଞ୍ଚୟ ରଥ ଆଜି ଠାରୁ ଖୋର୍ଦ୍ଧା ପୌରାଂଚଳ, ଗୁରୁଜଙ୍ଗ, ହଳଦିଆ, ବାଜପୁର, ଅଣ୍ଡ, ନନ୍ଦପୁର, ଆଦି ଅଞ୍ଚଳ ପରିକ୍ରମା କରିବ । ନିରାପଦ ସଞ୍ଚୟ, ଡାକଘର ଓ ବାଣିଜ୍ୟିକ ବ୍ୟାଙ୍କ ଗୁଡ଼ିକରେ ମିଳୁଥିବା ସ୍ୱଳ୍ପ ସଞ୍ଚୟ ଯୋଜନାରେ ଅର୍ଥନିବେଶ ପାଇଁ ସଚେତନତା କରାଯିବ । ଏହି ଅବସରରେ ସ୍ୱଳ୍ପ ସଞ୍ଚୟ ନିର୍ଦ୍ଦେଶାଳୟ ପକ୍ଷରୁ ନଭେମ୍ବର ୧ ତାରିଖ ଠାରୁ ସଞ୍ଚୟ ନେଇ ବ୍ୟାପକ ସଚେତନତା ସହ ବୃକ୍ଷରୋପଣ, ଛାତ୍ରଛାତ୍ରୀଙ୍କ ମଧ୍ୟରେ ବକ୍ରୃତା ପ୍ରତିଯୋଗିତା ଆଦି ଆୟୋଜନ କରାଯିବ ବୋଲି ଶ୍ରୀ ପାଢ଼ୀ ସୂଚନା ଦେଇଥିଲେ ।
ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଭୁବନେଶ୍ୱର ଉପଜିଲ୍ଲାପାଳ ଦେବବ୍ରତ ସାହୁ, ଜିଲ୍ଲା ସ୍ୱଳ୍ପସଂଚୟ ଅଧିକାରୀ ସତ୍ୟନାରାୟଣ ବେହେରା ଏବଂ ସ୍ୱଳ୍ପ ସଂଚୟ ବିଭାଗର ଅନ୍ୟ ଅଧିକାରୀ ଓ କର୍ମଚାରୀ ଉପସ୍ଥିତ ଥିଲେ ।