ଟଙ୍କା ଧାର ନେବା ହେଲା କାଳ, ଶ୍ବଶୁର ଘରେ ଜ୍ବାଇଁର ଆଖି ତାଡ଼ି ଦେଲେ
ନୟାଗଡ଼: ନୟାଗଡ଼ ସଦରଥାନା ଅନ୍ତର୍ଗତ ଷଠିଆପଲ୍ଲୀ ଗ୍ରାମରେ ଆଜି ଏକ ଅଭାବନୀୟ ଘଟଣା ଘଟିଯାଇଛି । ଧାର ଟଙ୍କାକୁ କେନ୍ଦ୍ର କରି ଶ୍ବଶୁର ଘରେ ଜ୍ବାଇଁକୁ ଗୋଟିଏ ଆଖି ହରାଇବାକୁ ପଡ଼ିଛି। ମିଳିଥିବା ସୂଚନାନୁସାରେ, ସଜାନାପଡ଼ା ଗ୍ରାମର ପ୍ରମୋଦ ରାଉତରାୟ(୫୦) ନୟାଗଡ଼ ସଦରଥାନା ଅନ୍ତର୍ଗତ ଷଠିଆପଲ୍ଲୀ ଗ୍ରାମରେ ବିବାହ କରିଛନ୍ତି । ଆର୍ଥିକ ସମସ୍ୟା ପାଇଁ ଅନେକ ସମୟରେ ପ୍ରମୋଦ ତାଙ୍କ ଦାଦା ଶ୍ବଶୁରଙ୍କ ଠାରୁ କିଛି ଟଙ୍କା ଧାର ଆଣିଥିଲେ ।
Sambad is now on WhatsApp
Join and get latest news updates delivered to you via WhatsApp
ସୁବିଧା ଦେଖି ଟଙ୍କା ସୁଧ ସହକାରେ ଫେରାଇଦେବେ ବୋଲି କହିଥିଲେ। କିନ୍ତୁ କୌଣସି କାରଣରୁ ଏହା ଫେରାଇ ନପାରିବାରୁ ଉଭୟଙ୍କ ମଧ୍ୟରେ ତିକ୍ତତା ସୃଷ୍ଟି ହୋଇଥିଲା । ଆଜି ସନ୍ଧ୍ୟାରେ ପ୍ରମୋଦଙ୍କ ଜଣେ ଶଳା ତାଙ୍କୁ ଯୋଜନାବଦ୍ଧ ଭାବେ ଷଠିଆପଲ୍ଲୀ ଗ୍ରାମକୁ ଡାକି ଆଣିଥିଲେ । ସେଠାରେ ଧାର ଟଙ୍କାକୁ ନେଇ ବଚସା ହୋଇଥିଲା। ଯାହାକୁ ନେଇ ମିଳିତ ଭାବେ ପ୍ରମୋଦଙ୍କୁ ଆକ୍ରମଣ କରାଯାଇଥିଲା। କୌଣସି ଧାରୁଆ ଅସ୍ତ୍ରରେ ପ୍ରମୋଦଙ୍କ ଆଖିକୁ ତାଡ଼ି ଦିଆଯାଇଥିଲା। ଗୁରୁତର ଅବସ୍ଥାରେ ପ୍ରମୋଦଙ୍କୁ ପ୍ରଥମେ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟ ଓ
ସେଠାରୁ କଟକ ସ୍ଥାନାନ୍ତରିତ କରାଯାଇଛି । ଏନେଇ ସଦର ଥାନାରେ ଅଭିଯୋଗ ହୋଇଥିବା ଉକ୍ତ ଥାନା ଦାୟିତ୍ବରେ ଥିବା ଟାଉନ ଥାନା ଆଇଆଇସି ଜୟଦୀପ ମହାନ୍ତି କହିଛନ୍ତି। ଘଟଣା ନେଇ ଅନୁସନ୍ଧାନ କରାଯାଉଥିବା ଶ୍ରୀ ମହାନ୍ତି ସୂଚନା ଦେଇଛନ୍ତି।