ଧାନ କାଟିବା ପାଇଁ ଖେତକୁ ଯାଇଥିଲେ ଯୁବକ, ମେସିନ ତଳେ ଚାପି ହୋଇ ମୃତ୍ୟୁ
ତିଗିରିଆ: କଟକ ଜିଲ୍ଲା ତିଗିରିଆ ଥାନା ଅନ୍ତର୍ଗତ ଅଚଳକୋଟ ପଞ୍ଚାୟତସ୍ଥିତ ଅଚଳକୋଟ ଗ୍ରାମରେ ଆଜି ଅପରାହ୍ନରେ ଜଣେ ଯୁବକ ଧାନକଟା ମେସିନ ତଳେ ଚାପି ହୋଇଯାଇଛନ୍ତି। ଘଟଣାସ୍ଥଳରେ ହିଁ ସଂପୃକ୍ତ ଯୁବକଙ୍କର ମୃତ୍ୟୁ ହୋଇଛି। ମୃତକ ହେଲେ ବିକାଶ ବେହେରା (୧୯)।
Sambad is now on WhatsApp
Join and get latest news updates delivered to you via WhatsApp
ଘଟଣାରୁ ପ୍ରକାଶ ଯେ ଆଜି ଅପରାହ୍ନରେ ଅଚଳକୋଟ ଗ୍ରାମର ବୈରାଗୀ ବେହେରାଙ୍କ ପୁତ୍ର ବିକାଶ ବେହେରା ଧାନ କାଟିବା ପାଇଁ ଖେତକୁ ମେସିନ ନେଇ ଯାଇଥିଲେ। ଖେତରେ ଉଚ୍ଚ ହୁଡା ଉଠୁଥିବା ବେଳେ ବିକାଶ ଧାନକଟା ମେସିନ ଗାଡି ତଳେ ପଡିଯାଇଥିଲେ। ଉକ୍ତ ଧାନ ମେସିନ ତଳେ ଚାପି ହୋଇଯିବାରୁ ତାଙ୍କର ପ୍ରାଣବାୟୁ ଉଡିଯାଇଥିଲା। ସୂଚନା ପାଇ ପୁଲିସ ଘଟଣାସ୍ଥଳରେ ପହଂଚିଥିଲା। ତିଗିରିଆ ଥାନା ଅଧିକାରୀ ରବୀନ୍ଦ୍ର ଭୁଜବଳ ଘଟଣାର ତଦନ୍ତ ଜାରି ରଖିଥିବା ସୂଚନା ଦେଇଛନ୍ତି।