ବାଲିଅନ୍ତା: ଜଣେ ଦଶମ ଶ୍ରେଣୀ ଛାତ୍ରୀଙ୍କୁ ବିବାହର ପ୍ରଲୋଭନ ଦେଖାଇ ତା’ ସହ ଶାରୀରିକ ସଂପର୍କ ରଖିଲା ଯୁବକ । ଆଉ ପରେ ଛାତ୍ରୀ ଜଣକ ଉତକ୍ଷିପ୍ତ ହୋଇ ଯୁବକ ନିଜ ଫୋନରେ ରଖିଥିବା ଛାତ୍ରୀଙ୍କ ଜଣଙ୍କ ଅଶ୍ଳୀଳ ଭିଡ଼ିଓ ଭାଇରାଲ କରିଦେଲା । ଏଭଳି ସଂଗୀନ ମାମଲାରେ ଆଜି ବାଲିଅନ୍ତା ଥାନା ପୁଲିସ ସଂପୃକ୍ତ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି । ଜାମିନ ନାମଂଜୁର ହେବାରୁ ଯୁବକଙ୍କୁ ଝାରପଡ଼ା ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ପାହାଳ ଫାଣ୍ଡି ଅଞ୍ଚଳରେ ଦଶମ ଶ୍ରେଣୀରେ ପାଠ ପଢୁଥିବା ଜଣେ ଛାତ୍ରୀଙ୍କ ସହ ସେହି ଗ୍ରାମର ୨୦ ବର୍ଷୀୟ ଯୁବକଙ୍କର ବର୍ଷେ ତଳେ ପ୍ରେମ ସଂପର୍କ ଗଢ଼ି ଉଠିଥିଲା । ପ୍ରେମ ସଂପର୍କ ଆଗକୁ ବଢ଼ିବା ପରେ ଯୁବକ ଛାତ୍ରୀଙ୍କୁ ଶାରୀରିକ ସଂପର୍କ ରଖିବାକୁ ବାଧ୍ୟ କରିଥିଲା । ଯୁବକ ଜଣକ ଛାତ୍ରୀଙ୍କ ସହ ଅସଂଯତ ଅବସ୍ଥାର ଭିଡ଼ିଓ ରେକର୍ଡ଼ କରି ନେଇଥିଲା । ପରେ ପ୍ରେମ ସଂପର୍କ କଥା ଛାତ୍ରୀଙ୍କ ଘର ଲୋକ ଜାଣିବା ପରେ ତାଙ୍କୁ ତାଗିଦ କରିଥିଲା। ତେଣୁ ସେ ଏହାର ପ୍ରତିବାଦ କରିଥିଲା ।
ଗତ ୪ ତାରିଖ ଦିନ ଏହାକୁ କେନ୍ଦ୍ରକରି ଉଭୟଙ୍କ ମଧ୍ୟରେ ଝଗଡ଼ା ଲାଗିଥିଲା । ଆଉ ଏଥିରେ ରାଗିଯାଇ ଅଭିଯୁକ୍ତ ଯୁବକ ମୋବାଇଲ ଫୋନରେ ରଖିଥିବା ଅଶ୍ଳୀଳ ଭିଡିଓ ସବୁକୁ ସୋସିଆଲ ମିଡିଆରେ ଭାଇରାଲ କରିଦେଲା । ଏନେଇ ଛାତ୍ରୀଙ୍କ ମା’ଆ ବାଲିଅନ୍ତା ଥାନାରେ ଲିଖିତ ଭାବେ ଜଣାଇଥିଲେ । ତାଙ୍କ ଅଭିଯୋଗ ଆଧାରରେ ବାଲିଅନ୍ତା ଥାନାରେ ନଂ ୧୨୨/୨୧ ରେ ମାମଲା ରୁଜୁ ହୋଇଥିଲା। ଗତକାଲି ପୁଲିସ ଯୁବକଙ୍କୁ ଗିରଫ କରି ଥାନାରେ ଅଟକ ରଖି ପଚରାଉଚରା କରିଥିଲା । ଆଜି ଡାକ୍ତରୀ ପରୀକ୍ଷା କରାଇ ତାଙ୍କୁ କୋର୍ଟ ଚାଲାଣ କରିଥିଲା ।