ବେକରେ ଗାମୁଛା ବାନ୍ଧି ବିବାହିତ ଯୁବକ ଝୁଲିପଡ଼ିଲେ

ଡାବୁଗାଁ: ନବରଙ୍ଗପୁର ଜିଲ୍ଲା ଡାବୁଗାଁ ଥାନା ଅନ୍ତର୍ଗତ ମହେନ୍ଦ୍ରି ଗ୍ରାମରେ ଆଜି ଦିନ ୧୧ଟା ସମୟରେ ଜଣେ ବିବାହିତ ଯୁବକ ବେକରେ ଗାମୁଛା ବାନ୍ଧି ଆତ୍ମହତ୍ୟା କରିଛନ୍ତି। ମୃତ ଯୁବକ ମହେନ୍ଦ୍ରୀ ଗ୍ରାମ ର ମହେଶ୍ୱର ଜାନି (୪୦) ବୋଲି ଜଣା ପଡିଛି। ଏ ନେଇ ପରିବାର ଲୋକେ ଆଜି ଡାବୁଗାଁ ଥାନାରେ ଅଭିଯୋଗ କରିବା ପରେ ପୁଲିସ ଶବ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରିଛନ୍ତି। ସୂଚନା ଅନୁଯାୟୀ ଡାବୁଗାଁ ଥାନା ଅନ୍ତର୍ଗତ ମହେନ୍ଦ୍ରୀ ଗ୍ରାମର ମହେଶ୍ୱର ଜାନି (୪୦) ଗତ କିଛି ଦିନ ହେବ ମାନସିକ ସ୍ଥିତି ଠିକ୍ ରହୁ ନ ଥିଲା। ଅଧିକାଂଶ ସମୟ ମହେଶ୍ୱର ଜାନି ଘରେ ନ ରହି ବାହାରେ ହିଁ ରହୁଥିଲା। ତେବେ ଆଜି ସକାଳ ଦିନ ପ୍ରାୟ ୧୧ଟା ସମୟରେ ମହେନ୍ଦ୍ରୀ ଗାଁ ଠାରୁ ୩୦୦ ମିଟର ଦୂର ଏକ ପୋଖରୀ ପାର୍ଶ୍ବ ବୃକ୍ଷରେ ମାନସିକ ଭାରସାମ୍ୟ ହରାଇ ବେକରେ ଗାମୁଛା ବାନ୍ଧି ଆତ୍ମହତ୍ୟା କରିଥିଲା।

ଗ୍ରାମର କିଛି ଲୋକେ ପୋଖରୀରେ ଗାଧୋଇବାକୁ ଯିବା ସମୟରେ ମହେଶ୍ୱର ମାଝି ବେକରେ ଗାମୁଛା ବାନ୍ଧି ଆତ୍ମହତ୍ୟା କରିଥିବା ଦେଖିଥିଲେ ଏବଂ ପରିବାର ଲୋକଙ୍କୁ ଖବର ଦେଇଥିଲେ। ଆଜି ଅପରାହ୍ନରେ ଏ ନେଇ ମୃତ ମହେଶ୍ୱର ଜାନିର ବାପା ଡମୁ ଜାନି ଡାବୁଗାଁ ଥାନାରେ ଏତଲା ଦେଇଥିଲେ। ଏତଲା କୁ ଭିତ୍ତି କରି ଡାବୁଗାଁ ପୁଲିସ ଶବ ଜବତ କରିବା ସହ କେଶ ନ ୦୬/୨୩ ରେ ଏକ ଅପମୃତ୍ୟୁ ମାମଲା ରୁଜୁ କରି କରିଥିଲେ। ଘଟଣାର ତଦନ୍ତ ପୁଲିସ ଏ ଏସ ଆଇ ପୁଷ୍ପଲତା ସୁନାନି କରୁଥିବା ବେଳେ ଆସନ୍ତା କାଲି ଶବ ବ୍ୟେବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ତଦନ୍ତକାରୀ ଅଧିକାରୀ ପୁଷ୍ପଲତା ସୁନାନି ପ୍ରକାଶ କରିଛନ୍ତି।