ନେନେ ଓ ଯୁବକ
କଥାଟିଏ - ଯାଯାବର
ଥରେ ଜେନ୍ ଗୁରୁ ନେନେଙ୍କ ପାଖକୁ ଜଣେ ଯୁବକ ଅତ୍ୟନ୍ତ ଖୁସିରେ ପହଞ୍ଚି ଯାଇ କହିଲା- ଆଜ୍ଞା, ମୋ ଘରେ ପୁଅଟିଏ ଜନ୍ମ ନେଇଛି। ସେଥି ଲାଗି ମନ ଭାରି ଖୁସି।
Sambad is now on WhatsApp
Join and get latest news updates delivered to you via WhatsApp
ନେନେ ଅସ୍ପଷ୍ଟ ଭାବେ ଯାହା ସ୍ବଗତୋକ୍ତି କଲେ ତାହା ଯୁବକ ଶୁଣିଲା କିନ୍ତୁ ବୁଝି ପାରିଲା ନାହିଁ। ନେନେ ଯାହା କହିଥିଲେ, ତାହା ହେଲା- ଗଧ ଜାଣି ପାରୁନାହିଁ ତା’ ଘରେ କେତେ ଜଣ ଜନ୍ମ ନେଇଛନ୍ତି। ପୁ୍ୁଅକୁ ନେଇ ଖୁସି ହେଉଛି!
କିଛି ସମୟ ପରେ ଯୁବକ ନେନେଙ୍କୁ ଏହି କଥା କହି ଏଭଳି ସେ କାହିଁକି କହିଲେ ବୋଲି ପଚାରିଲା।
ନେନେ କହିଲେ- ଆରେ ନିର୍ବୋଧ ତୋ’ ଘରେ କେବଳ ତୋ’ର ପୁଅ ଜନ୍ମ ହୋଇନାହିଁ। ତୋ’ ଘରେ ଗୋଟିଏ ବାପା ଓ ଗୋଟିଏ ମା’ର ଜନ୍ମ ହୋଇଛି। କେବଳ ସେତିକି ନୁହେଁ, ତୁମ ପରିବାରର ଯେତିକି ସଦସ୍ୟ ସେମାନେ ସମସ୍ତେ ଏହି ସୂତ୍ରରେ ଜନ୍ମ ନେଇଛନ୍ତି। କିଏ ଦାଦା ଭାବେ ଜନ୍ମ ନେଇଛି ତ କିଏ ମାମୁଁ ଭାବେ!
ଯୁବକ କହିଲା- ବୁଝିଲି। ହେଲେ ଆପଣ ଏଭଳି କହିଲେ କାହିଁକି?
ନେନେ କହିଲେ- କାରଣ ସନ୍ତାନ ଜନ୍ମ ହେବା ସହିତ ତୁମେମାନେ ମଧ୍ୟ ତୁମ ନୂଆ ରୂପରେ ଜନ୍ମ ନେଇ ସାରିଛ। ତେଣୁ ନିଜ ପୁଅକୁ ଗଢ଼ିବା ସହିତ ତୁମେମାନେ ନିଜ ନିଜକୁ ମଧ୍ୟ ଗଢ଼।