କିଏ ବଡ଼?

ଥରେ ଜଣେ ମଣିଷ ଜଙ୍ଗଲରେ ବୁଲୁଥିବା ବେଳେ ଗୋଟିଏ ସି˚ହକୁ ଭେଟିଲା। ସି˚ହଟି ହଠାତ୍‌ ମଣିଷ ବୁଝିଲା ଭଳି ଭାଷାରେ ଗପସପ କରିବା ଆରମ୍ଭ କଲା।
ହଠାତ୍ କଥା ପଡ଼ିଲା- କିଏ ଅଧିକ ବଳଶାଳୀ? ମଣିଷ ନା ସି˚ହ? ଏହା ଯୁକ୍ତିର ରୂପ ନେଲା।
ମଣିଷ ଥିଲା ବାକ୍‌ ପଟୁ। ସେ କହିଲା- ତୁମେ ମଣିଷର ଶକ୍ତି ବିଷୟରେ ଜାଣିନା। ତୁମେ ଯଦି ଏହାର ପ୍ରମାଣ ପାଇବାକୁ ଚାହଁ, ମୋ ସହିତ ଆସ।
ଏହା କହି ଲୋକଟି ସି˚ହକୁ ନେଇଗଲା ନିକଟସ୍ଥ ସହରର ଏକ ପାର୍କକୁ। ସେତିକି ବେଳକୁ ନିଶାର୍ଧ। ପାର୍କଟି ଜନଶୂନ୍ୟ। ମଣିଷ ତାକୁ ନେଇଗଲା ଏକ ବିଶାଳ ମୂର୍ତ୍ତି ନିକଟକୁ। ଜହ୍ନ ଆଲୁଅରେ ସେ ମାର୍ବଲ ମୂର୍ତ୍ତି ଦାଉଦାଉ ଦିଶୁଥାଏ।
ମଣିଷ ସି˚ହକୁ କହିଲା- ଦେଖ।
ସି˚ହ ଦେଖିଲା ଯେ ସେଇ ମୂର୍ତ୍ତି ହେଉଛି ଜଣେ ବଳଶାଳୀ ମଣିଷର ଯେ ଏକ ସି˚ହର ମୁହଁକୁ ଦୁଇ ହାତରେ ଧରି ତାକୁ ଫାଡ଼ି ଦେବାକୁ ଉଦ୍ୟତ। ସେ ପଚାରିଲା- ୟେ କିଏ?
ମଣିଷ କହିଲା- ୟେ ହେଉଛନ୍ତି ମହାବଳଶାଳୀ ହର‌୍‌କ୍ୟୁଲେସ୍‌। ସେ ସି˚ହମାନଙ୍କୁ ଏମିତି ମାରୁଥିଲେ।
ଏହା ଶୁଣି ସି˚ହ କହିଲା- ଏ ମୂର୍ତ୍ତି କିଏ ତିଆରି କରିଛି? ମଣିଷ ନା ସି˚ହ?
ମଣିଷ କହିଲା- କି ବା‌େଜ ପ୍ରଶ୍ନ! ଅବଶ୍ୟ ଜଣେ ମଣିଷ ଏହାକୁ ଗଢ଼ିଛି।
ସି˚ହ କହିଲା- ସେଇଥି ପାଇଁ ସେ ମଣିଷକୁ ବଳୁଆ କରି ଦେଖାଇଛି। ଆମର କୃତିରେ ତୁମେ ଏମିତି ଦେଖିବ ନାହିଁ।
ମଣିଷ ଏହା ଶୁଣି ହସିହସି ଗଡ଼ିଗଲା। ସେ କହିଲା- ତୁମର ପୁଣି କୃତି?
ସି˚ହ କହିଲା- ହସ ନାହିଁ। ଆମର ବି କୃତି ଅଛି। ଆସ ଦେଖିବ।
ଏହା କହି ସି˚ହ ମଣିଷକୁ ବାଟ କଢ଼େଇ ଏକ ଗୁ˚ଫା ପାଖକୁ ନେଇଗଲା। ମଣିଷ ଗୁ˚ଫା ଭିତରକୁ ଚାହିଁ ଦେଖିଲା ଯେ ତହିଁରେ ପାହାଡ଼ ଭଳି ଗଦା ହୋଇଛି ମଣିଷର ହାଡ଼ ଓ ଖପୁରି।
ସି˚ହ କହିଲା- ଏ ହେଉଛି ଆମ କୃତି। ଏବେ ତୁମେ ଏଠୁ ପ୍ରାଣ ଧରି ପଳାଅ, କାରଣ ମୋ ସାଥୀମାନେ ଆସୁଥିବାର ଶବ୍ଦ ମୁଁ ପାଇଲିଣି। କେବେ ବି ନିଜ ହାତରେ ନିଜକୁ ବଡ଼ କରି ସବୁଠାରୁ ଅଧିକ ବଡ଼ ବୋଲି ଭାବିବ ନାହିଁ।