ଗୋଟିଏ ବଜାରରେ ଥିବା ମନୋହରୀ ଦୋକାନରେ ଦୋକାନୀ ଜଣକ ଏକ ନୋଟିସ୍‌ ଝୁଲାଇ ଦେଲେ ଯାହା ଉପରେ ଲେଖାଥିଲା: ‘ଏଠାରେ ଅତି ନିଆରା ଅଦୃଶ୍ୟ ଚୂଳ କ୍ଲିପ୍‌ ମିଳେ’। ଅନେକ ଲୋକ କୌତୂହଳ ପରବଶ ହୋଇ ଅଦୃଶ୍ୟ କ୍ଲିପ୍‌ କିଣିବାକୁ ଗଲେ। ଦୋକାନୀ ଜଣକ ବି ଗୋଟିଏ ଡବା ଖୋଲି ଦୁଇ ଆଙ୍ଗୁଳିରେ କିଛି ଧରିଥିବାର ଭଙ୍ଗୀ କରି ଅଦୃଶ୍ୟ କ୍ଲିପ୍‌ ଦେଖାଇଲେ ଏବ˚ ଲୋକେ ବି ତାହା କିଣିଲେ। ଲୋକମାନେ ତା’କୁ ତ ବ୍ୟବହାର କରିପାରିଲେ ନାହିଁ, ଗୋଟିଏ ଗୋଟିଏ ଡବାରେ ରଖି ଅନ୍ୟମାନଙ୍କୁ ସେମିତି ଶୂନ୍ୟରେ ହାତ ଭଙ୍ଗୀ କରି ଦେଖାଇଲେ। ଦୋକାନରେ ମଝିରେ ମଝିରେ ଅଦୃଶ୍ୟ କ୍ଲିପ୍‌ ସରି ଯାଉଥିଲା। ଦୋକାନୀ ଜଣକ ପୁଣି ବାହାରୁ ମଗାଇ ତାହା ବିକୁଥିଲେ ଏବ˚ ତା’ର ବହୁତ ବିକ୍ରି ବି ହେଉଥିଲା। ଥରେ ଜଣେ ଗ୍ରାହକ ପଚାରିଲେ- ମୋତେ ଅଦୃଶ୍ୟ କ୍ଲିପ୍‌ର କିଛି ପ୍ରମାଣ ତ ଦିଅନ୍ତୁ! କାରଣ ମୋତେ ଲାଗୁଛି ଅସଲରେ ମୁଁ ଶୂନ୍ୟ ଛଡ଼ା ଯେମିତି ଆଉ କିଛି କିଣୁନାହିଁ!

Advertisment

ଦୋକାନୀ ଜଣକ କହିଲେ- ଏ ଜିନିଷ ହେଉଛି ସେୟା। ପ୍ରମାଣ ଖୋଜିଲେ ଆପଣ ପାଇବେ ନାହିଁ, କେବଳ ସ˚ଶୟରେ ରହିବେ। ଯେହେତୁ ଅଦୃଶ୍ୟ ଏହାକୁ ଦେଖି ବା ଦେଖାଇ ହେବନାହିଁ। ତେଣୁ ଆପଣ କେବଳ ବିଶ୍ବାସ ରଖି କିଣିବା ଉଚିତ। ସେଇ ବିଶ୍ବାସ ହେତୁ ଏ କ୍ଲିପ୍‌ ବହୁତ ଭଲ ବ୍ୟବସାୟ କରୁଛି। ଏହି ଗପ କହି ୟୁଜିକେ କହିଲେ- ପରମେଶ୍ବରଙ୍କ ଉପଲବ୍‌ଧି ବା ଜ୍ଞାନ ହେଉଛି ଅଦୃଶ୍ୟ କ୍ଲିପ୍‌ ଭଳି କଥା। ତା’ର କାରବାର ଲାଗି କେବଳ ବିଶ୍ବାସ ଲୋଡ଼ା, ଯାହାର ସୁଯୋଗ ନେଇ ବାକ୍‌ ଚତୁର ଲୋକେ ‘ଗୁରୁ’ରେ ପରିଣତ ହୋଇ ତାଙ୍କ ବେପାର କରି ଚାଲିଛନ୍ତି।