ମୁମ୍ବାଇ:ବଲିଉଡ ନାୟିକା ରାଣୀ ମୁଖାର୍ଜୀଙ୍କ ଦିଅର କାହାକୁ ବାହା ହେବେ ତାକୁ ନେଇ ଜୋରଦାର ଚର୍ଚ୍ଚା ଆରମ୍ଭ ହୋଇଛି। ରାଣୀ ମୁଖାର୍ଜୀଙ୍କ ଦିଅର ହେଲେ ଅସଫଳ ନାୟକ ଉଦୟ ଚୋପ୍ରା ଯିଏ କି ଜଣାଶୁଣା ନିର୍ମାତା ତଥା ନିର୍ଦ୍ଦେଶକ ଆଦିତ୍ୟ ଚୋପ୍ରାଙ୍କ ସାନ ଭାଇ। ଜାଣନ୍ତି ନାୟକ ଉଦୟ ଚୋପ୍ରା କାହାକୁ ବିବାହ କରୁଛନ୍ତି। ହଁ ସେ ତାଙ୍କର ଗର୍ଲ ଫ୍ରେଣ୍ଡ ତଥା ଅସଫଳ ନାୟିକା ନରଗୀସ୍ ଫାକରୀଙ୍କୁ ବାହା ହେବେ ବୋଲି କୁହାଯାଉଛି। ସେ ଦୁହେଁ ଏବେ ଲିଭ ଇନ୍ ରିଲେସନରେ ଅଛନ୍ତି। ଗତ କିଛି ଦିନ ହେବ ନରଗୀସ୍ ଫକରୀ ୟଶ ଚୋପ୍ରାଙ୍କ ବଙ୍ଗଳାକୁ ସିଫ୍ଟ ହୋଇ ଯାଇଛନ୍ତି। ସେଠାରେ ଉଦୟଙ୍କ ସହ ଜୀବନ ବିତାଉଛନ୍ତି। ଇତିମଧ୍ୟରେ ମାଆ ପାମେଲା ଚୋପ୍ରା ବି ଉଦୟଙ୍କ ସହ ନରଗୀସଙ୍କ ସଂପର୍କକୁ ମାନି ନେଇଥିବା କୁହାଯାଉଛି। ଯାହା ଜଣାପଡ଼ୁଛି ଆର ବର୍ଷ ଏ ଦୁହେଁ ବିବାହ ବନ୍ଧନରେ ଆବଦ୍ଧ ହେବେ।

Advertisment

publive-image photo-amarujala

ଏଠାରେ ସୂଚନାଯୋଗ୍ୟ ଯେ ନରଗୀସ୍ ଇମତିଆଜ୍ ଅଲ୍ଲୀଙ୍କ ‘ରକଷ୍ଟାର’ ଜରିଆରେ ବଲିଉଡରେ ନାୟିକା ଭାବେ ପ୍ରବେଶ କରିଥିଲେ । ତାପରେ ତାଙ୍କୁ ମେଁ ତେରା ହିରୋ ଭଳି ସିନେମାରେ ବି ଲିଡ ରୋଲରେ ଦେଖିବାକୁ ମିଳିଛି। ଅପରପକ୍ଷରେ ୨୦୦୦ରେ ରିଲିଜ୍ ହୋଇଥିବା ‘ମୋହବତେଁ’ରୁ ଆକ୍ଟିଂ କାରିଅର୍ ଆରମ୍ଭ କରିଥିଲେ ଉଦୟ। ଏହାପରେ ତାଙ୍କୁ ମେରେ ୟାର୍ କି ଶାଦିଭଳି କେତୋଟି ହାତଗଣତି ସିନେମାରେ ଦେଖିବାକୁ ପାଇଛନ୍ତି ଦର୍ଶକ। ତେବେ ମଝିରେ ଉଭୟଙ୍କର ବ୍ରେକ୍ ଅପ୍ ହୋଇଥିବା ଖବର ଶୁଣିବାକୁ ମିଳିଥିଲା ହେଲେ ସବୁ ଠିକ୍ ଠାକ୍ ଅଛି।