ଜାହ୍ନବୀ କପୁରଙ୍କୁ ମିଳିଲା ‘ସୁଟିଂ ଷ୍ଟାର ଅଫ୍ ଦ ଇୟର’ ସମ୍ମାନ, କାନ୍ଦି ପକାଇଲେ ବୋନି କପୁର
ମୁମ୍ବାଇ : ଯେତେବେଳେ ପିଲାମାନଙ୍କୁ ସେମାନଙ୍କ ମାତା-ପିତାଙ୍କ ଆଗରେ କୌଣସ ସମ୍ମାନରେ ସମ୍ମାନିତ କରାଯାଏ, ସେହି ସମୟଟି ମାତା-ପିତାଙ୍କ ପାଇଁ ଭାବବିହ୍ଵଳପୂର୍ଣ୍ଣ ସମୟ ହୋଇଥାଏ । ସେ ସମୟରେ ଦୁନିଆର ସବୁ ଖୁସି ସେମାନଙ୍କୁ ମିଳିଯିବା ଭଳି ଅନୁଭବ ହୋଇଥାଏ । ଠିକ୍ ସେମିତି ଅଭିନେତ୍ରୀ ଜାହ୍ନବୀ କପୁରଙ୍କୁ ସମ୍ମାନିତ କରାଯିବା ସମୟରେ ଅନୁଭବ କରିଥିଲେ ବାପା ବୋନି କପୁର ।
Sambad is now on WhatsApp
Join and get latest news updates delivered to you via WhatsApp
ଫିଲ୍ମ ‘ଧଡକ’ ଜରିଆରେ ବଲିଉଡ୍ରେ ଏଣ୍ଟ୍ରି କରିଥିବା ଜାହ୍ନବୀ ନିଜ ଅଭିନୟ ପାଇଁ ସମସ୍ତଙ୍କ ପ୍ରଶଂସାର ପାତ୍ରୀ ପାଲଟି ପାରିଛନ୍ତି। ଏବେ ତାଙ୍କୁ ତାଙ୍କ ଅଭିନୟ ପାଇଁ ‘ସୁଟିଂ ଷ୍ଟାର୍ ଅଫ୍ ଦ ଇୟର ୨୦୧୮’ ସମ୍ମାନ ମିଳିଛି । ନର୍େଓ୍ଵ ସରକାରଙ୍କ ତରଫରୁ ଜାହ୍ନବୀଙ୍କୁ ଏହି ସମ୍ମାନ ମିଳିଥିବା ଜଣାପଡ଼ିଛି । ଫିଲ୍ମ ‘ଧଡକ’ରେ ତାଙ୍କର ଅଭିନୟରେ ମୁଗ୍ଧ ହୋଇ ରୟାଲ ନର୍େଓ୍ଵୟନ ବାଣିଜ୍ୟିକ ଦୂତାବାସର ଜେନେରାଲ ଜାହ୍ନବୀଙ୍କୁ ଏହି ସମ୍ମାନରେ ସମ୍ମାନିତ କରିଥିଲେ ।
ସୂଚନା ମୁତାବକ, ରୟାଲ ନର୍େଓ୍ଵୟନ ବାଣିଜ୍ୟିକ ଦୂତାବାସର ଜେନେରାଲ ଚଳିତବର୍ଷ ଓସ୍କାର ପାଇଁ ମନୋନୀତ ହୋଇଥିବା ଚଳଚ୍ଚିତ୍ର ‘ହ୍ଵାଟ୍ ଉଇଲ୍ ପିପୁଲ ସେ’ର ସ୍କ୍ରିନିଙ୍ଗ ମୁମ୍ବାଇରେ ରଖିଥିଲେ । ଫିଲ୍ମଟି ଜଣେ ପାକିସ୍ଥାନୀ ଯୁବତୀଙ୍କ ଉପରେ ନିର୍ମାଣ କରାଯାଇଛି । ଯିଏକି ଏକ ଋଢ଼ିବାଦୀ ପରିବାର ହୋଇଥିବା ବେଳେ ବାହାରେ ତାଙ୍କର ରଙ୍ଗଢ଼ଙ୍ଗ ବଦଳି ଯାଇଥାଏ । ସମୟକ୍ରମେ ଝିଅର ଏଭଳି କାମ ବାପାଙ୍କ କାନରେ ପଡ଼େ। ଏହା ଫିଲ୍ମର କାହାଣୀ ହୋଇଥିବା ବେଳେ ଫିଲ୍ମର କିଛି ଦୃଶ୍ୟ ରାଜସ୍ଥାନରେ ସୁଟିଂ ହୋଇଥିଲା । ତେବେ ଜାହ୍ନବୀଙ୍କ ଫିଲ୍ମ ‘ଧଡକ’ର କାହାଣୀ ମଧ୍ୟ ସମାଜରେ ଥିବା କିଛି ନିୟମର ବିରୁଧାଚରଣ କରୁଥିବା ହେତୁ ଚଳଚ୍ଚିତ୍ରଟିକୁ ପ୍ରଶଂସା କରି ଜାହ୍ନବୀଙ୍କୁ ସମ୍ମାନିତ କରାଯାଇଥିବା ଜଣାପଡ଼ିଛି ।