କ’ଣ ପାଇଁ ଇଟାଲୀରେ ବିବାହ କରିଥିଲେ ଦୀପ୍-ବୀର?ଦୀପିକା ଜଣାଇଲେ ପ୍ରକୃତ କାରଣ
ମୁମ୍ବାଇ : ୨୦୧୮ରେ ଅନେକ ବଡ଼ ବଡ଼ କଳାକାର ବିବାହ ବନ୍ଧନରେ ବାନ୍ଧି ହୋଇଥିଲେ । ଏହି ତାଲିକାରେ ଥିଲେ ବଲିଉଡ଼୍ର ବାଜିରାଓ-ମସ୍ତାନୀ ରଣବୀର ସିଂହ ଏବଂ ଦୀପିକା ପାଦୁକୋନ । ଦୁହେଁ ନଭେମ୍ବର ୧୪-୧୫ରେ ଇଟାଲୀର ଲେକ୍ କୋମୋରେ ବିବାହ କରିଥିବା ବେଳେ ମୁମ୍ବାଇ ଏବଂ ବେଙ୍ଗାଲୁରୁରେ ଦୁଇଟି ବିବାହ ଭୋଜି ରଖିଥିଲେ । ତେବେ ଭାରତରେ ବିବାହ ନ କରି ଦୁହେଁ ଇଟାଲୀରେ କ’ଣ ପାଇଁ ବିବାହ କଲେ ବୋଲି ଅନେକ ପ୍ରଶ୍ନ ଉଠିଥିବା ବେଳେ ଏବେ ପ୍ରକୃତ କାରଣ କହିଛନ୍ତି ଅଭିନେତ୍ରୀ ଦୀପିକା ପାଦୁକୋନ । ଫିଲ୍ମଫେୟାରକୁ ଦେଇଥିବା ସାକ୍ଷାତକାରରେ ଦୀପିକା ଏହାର କାରଣ ଜଣାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ଆମେ ଦୁହେଁ ବ୍ୟକ୍ତିଗତ ଭାବେ ବିବାହ କରିବାକୁ ଚାହୁଁଥିଲୁ ବୋଲି ଇଟାଲୀରେ ବିବାହ କରିବା କଥା ଚିନ୍ତା କରିଥିଲୁ । ବିବାହ ପୂର୍ବରୁ ଆମେ ସବୁ କିଛି ଘୋଷଣା କରିଥିଲୁ । ବିବାହ ତାରିଖଠାରୁ ଆରମ୍ଭ କରି କେଉଁଠି ବିବାହ କରିବୁ ସବୁ କିଛି ସାମ୍ନାକୁ ଆସି ସାରିଥିଲା । ଯେତେବେଳେ ମୁଁ ଏବଂ ରଣବୀର ଲେକ୍ କୋମୋ ଦେଖିବା ପାଇଁ ଯାଇଥିଲୁ,ସେତେବେଳେ ତା’ର ସୌନ୍ଦର୍ଯ୍ୟ ଦେଖି ବିବାହ କରିବା ପାଇଁ ତାହା ଠିକ୍ ସ୍ଥାନ ବୋଲି ଆମେ ଅନୁଭବ କରିଥିଲୁ ବୋଲି ଦୀପିକା କହିଥିଲେ ।