ଦୀପ୍-ବୀରଙ୍କ ବିବାହ ଭୋଜିରେ ଏହି ଅଭିନେତାଙ୍କ ସହ ଏଣ୍ଟ୍ରି କରିବେ ଅଭିନେତ୍ରୀ କ୍ୟାଟ୍ରିନା କୈଫ୍
ମୁମ୍ବାଇ: ଡିିସେମ୍ବର ୧ରେ ଦୀପ୍-ବୀର ମୁମ୍ବାଇରେ ସେମାନଙ୍କ ବଲିଉଡ଼୍ ଇଣ୍ଡଷ୍ଟ୍ରିର ବନ୍ଧୁମାନଙ୍କ ପାଇଁ ବିବାହ ଭୋଜିର ଆୟୋଜନ କରିଛନ୍ତି । ଏହି ପାର୍ଟିରେ ବଲିଉଡ୍ର ବହୁ ନାମୀ-ଦାମୀ କଳାକାର ନଜର ଆସିବେ ବୋଲି ଜଣା ପଡ଼ିଛି । ଏହି ପାର୍ଟିରେ ଅଭିନେତ୍ରୀ କ୍ୟାଟ୍ରିନା କୈଫ୍ ମଧ୍ୟ ଯୋଗ ଦେବେ ବୋଲି ସୂଚନା ମିଳିଛି । ପୂର୍ବରୁ କ୍ୟାଟ୍ରିନାଙ୍କ ଆସିବା ନେଇ ପ୍ରଶ୍ନ ଉଠିଥିବା ବେଳେ ଏବେ ସେ ଯୋଗ ଦେବେ ବୋଲି ଖବର ସାମ୍ନାକୁ ଆସିଛି । ତେବେ ଏହି ପାର୍ଟିରେ ସେ କାହା ସହ ଯୋଗ ଦେବେ ସେ ନେଇ ଚର୍ଚ୍ଚା ଆରମ୍ଭ ହୋଇ ଯାଇଛି ।
Sambad is now on WhatsApp
Join and get latest news updates delivered to you via WhatsApp
୪ଦିନ ପୂର୍ବରୁ କ୍ୟାଟ୍ରିନାଙ୍କୁ ପାର୍ଟିରେ ଯୋଗ ଦେବାକୁ ନିମନ୍ତ୍ରଣ କରାଯାଇଥିଲା। ତେବେ, ଦୀପିକା ନୁହନ୍ତି ବରଂ ରଣବୀର କ୍ୟାଟ୍ରିନାଙ୍କୁ ନିମନ୍ତ୍ରଣ କରିଥିଲେ । ନିମନ୍ତ୍ରଣ ମିଳିବା ପରେ ସେ ସଲମାନଙ୍କୁ ନିଜ ସହ ଯିବା ପାଇଁ ପଚାରିଥିଲେ । ଯଦି ସବୁ କିଛି ଠିକ୍ ରୁହେ ତେବେ କ୍ୟାଟ୍ରିନା ସଲମାନ ଏବଂ ଅଲ୍ଲୀ ଅବ୍ଦାସ ଜଫରଙ୍କ ସହ ଦୀପ୍-ବୀରଙ୍କ ବିବାହ ଭୋଜିକୁ ଯିବେ ବୋଲି ଚର୍ଚ୍ଚା ହେଉଛି ।