ମୁମ୍ବାଇ: ଅଭିନେତା ଅଲୁ ଅର୍ଜୁନଙ୍କ ଅଭିନୀତ ଚଳଚ୍ଚିତ୍ର "ପୁଷ୍ପା ୨: ଦି ରୁଲ" ରିଲିଜକୁ ଅପେକ୍ଷା କରିଥିବା ଦର୍ଶକଙ୍କ ପାଇଁ ଏକ ନିରାଶ କରିଲା ଭଳି ଖବର ଆସିଛି ।
‘ପୁଷ୍ପା ୨: ଦି ରୁଲ’ ଫିଲ୍ମ ୨୦୨୪ ଡିସେମ୍ବର ୫ରେ ପ୍ରେକ୍ଷାଳୟକୁ ଆସୁଛି। କିନ୍ତୁ ଦର୍ଶକମାନେ ଫିଲ୍ମ ଥ୍ରୀଡି ସଂସ୍କରଣର ଉପଭୋଗ କରିପାରିବେ ନାହିଁ ।

Advertisment

ଟ୍ରେଡ ଏନାଲିଷ୍ଟ ତରଣ ଆଦର୍ଶ କହିଛନ୍ତି ଯେ 'ପୁଷ୍ପା ୨: ଦି ରୁଲ'ର ଥ୍ରିଡି ସଂସ୍କରଣ ଏହି ସପ୍ତାହରେ ରିଲିଜ ହେବ ନାହିଁ। ଏ ଫିଲ୍ମଟି କେବଳ ଟୁଡିରେ ରିଲିଜ ହେବ । ଏଥିସହିତ ଫିଲ୍ମର ହିନ୍ଦୀ ସଂସ୍କରଣର ସୋ’  ଡିସେମ୍ବର ୪ ମଧ୍ୟରାତ୍ରିରେ ଅନୁଷ୍ଠିତ ହେବ ନାହିଁ ।
 

ଏହାର ଅର୍ଥ ଯେଉଁମାନେ ହିନ୍ଦୀ ସଂସ୍କରଣରେ ଫିଲ୍ମର ମଧ୍ୟରାତ୍ରି ସୋ’କୁ ଦେଖିବା ପାଇଁ  ଯୋଜନା କରୁଥିଲେ ସେମାନଙ୍କୁ ନିରାଶ ହେବାକୁ ପଡ଼ିବ।

ଏକ୍ସରେ ପୋଷ୍ଟ କରି ତରଣ ଆଦର୍ଶ ଲେଖିଛନ୍ତି-  ପୁଷ୍ପା ୨ ର ଥ୍ରିଡି ସଂସ୍କରଣ ଏହି ଗୁରୁବାର (୫ ଡିସେମ୍ବର ୨୦୨୪)ରେ ରିଲିଜ୍ ହେବ ନାହିଁ ।  ୨ଜି ସଂସ୍କରଣ ୫ ଡିସେମ୍ବର ୨୦୨୫ରେ ପ୍ରେକ୍ଷାଳୟକୁ ଆସିଯିବ।

'ପୁଷ୍ପା ୨: ଦି ରୁଲ'କୁ ନେଇ ପ୍ରଶଂସକଙ୍କ ମଧ୍ୟରେ ଏକ ଜବରଦସ୍ତ କ୍ରେଜ୍ ରହିଛି। ଫିଲ୍ମର ଟାଇଟଲ୍ ଟ୍ରାକ୍ ସହିତ ଅନେକ ଗୀତ ରିଲିଜ୍ ହୋଇଛି। ଯାହାକୁ ଦର୍ଶକ ଖୁବ ପସନ୍ଦ ବି କରିଛନ୍ତି।