‘ବାହୁବଲୀ’ ପାଇଁ ୫,୦୦୦ବିବାହ ପ୍ରସ୍ତାବକୁ ନାଁ କହିଥିଲେ ପ୍ରଭାସ, ୨୫କୋଟିରେ ସାଇନ୍ କରିଥିଲେ ଫିଲ୍ମ
ମୁମ୍ବାଇ : ‘ବାହୁବଲୀ’ ଫିଲ୍ମର ପ୍ରଥମ ଭାଗ ରିଲିଜ୍ ହେବା ପରେ ଦର୍ଶକଙ୍କ ମଧ୍ୟରେ ଯେଉଁଭଳି ଉତ୍ସାହ ଦେଖିବାକୁ ମିଳିଥିଲା, ତାହା ବୋଧ ହୁଏ ଆଉ ଅନ୍ୟ କୌଣସି ଫିଲ୍ମକୁ ମିଳିଥିବ । ପ୍ରଥମ ଭାଗ ରିଲିଜ୍ ହେବାର ବର୍ଷକ ପରେ ଦ୍ୱିତୀୟ ଭାଗ ରିଲିଜ୍ ହୋଇଥିଲା । କିନ୍ତୁ ଏହି ବର୍ଷକ ମଧ୍ୟରେ ବାହୁବଲୀ କଟ୍ଟପାକୁ କାହିଁକି ମାରିଲେ ଏହି ପ୍ରଶ୍ନକୁ ନେଇ ଚର୍ଚ୍ଚା ଆରମ୍ଭ ହୋଇ ଯାଇଥିଲା । ପ୍ରଶ୍ନର ଉତ୍ତର ବର୍ଷକ ପରେ ମିଳିବା ପରେ ସମସ୍ତେ ଆଶ୍ଚର୍ଯ୍ୟ ହୋଇ ଯାଇଥିଲେ । ବାହୁବଲୀ ଅନେକ ରେକର୍ଡ ବ୍ରେକ୍ କରିବା ସହ ସାରା ଦୁନିଆରେ ୬୫୦କୋଟି ଆୟ କରିବାରେ ପ୍ରଥମ ସାଉଥ ଫିଲ୍ମ ବନିଥିଲା । ଏହି ଫିଲ୍ମଟି ପ୍ରଭାସଙ୍କୁ ରାତାରାତି ଇଣ୍ଟରନ୍ୟାସନାଲ ଷ୍ଟାର ବନାଇ ଦେଇଥିଲା ।
Sambad is now on WhatsApp
Join and get latest news updates delivered to you via WhatsApp
ଥରକରେ ଗୋଟେ ଫିଲ୍ମ କରିବାକୁ ପସନ୍ଦ କରୁଥିବା ପ୍ରଭାସ ଗୋଟେ ଫିଲ୍ମ ଶେଷ କରିବା ପାଇଁ ୬୦୦ଦିନ ସମୟ ନେଇଥାନ୍ତି । କିନ୍ତୁ ଏହି ଫିଲ୍ମକୁ ଶେଷ କରିବା ପାଇଁ ତାଙ୍କୁ ୫ବର୍ଷ ସମୟ ଲାଗିଥିଲା । ଯାହା ପାଇଁ ସେ ୫ବର୍ଷ ପର୍ଯ୍ୟନ୍ତ ଅନ୍ୟ କୌଣସି ଫିଲ୍ମର ଅଫର ଗ୍ରହଣ ନ କରିବା ସହ ୫,୦୦୦ବିବାହ ପ୍ରସ୍ତାବକୁ ମଧ୍ୟ ନାଁ କହିଥିଲେ ।