କାନାଡ଼ାରେ ଏ ଆର୍‌ ରହମାନଙ୍କ ନାଁରେ ରାସ୍ତା ନାମକରଣ

କାନାଡାର ମାର୍କହମ୍ ସିଟି ମ୍ୟୁଜିକ କମ୍ପୋଜର ଏ ଆର୍ ରହମାନ୍‌ଙ୍କ ନାମରେ ଏକ ରାସ୍ତାର ନାମକରଣ କରି ତାଙ୍କୁ ସମ୍ମାନିତ କରିଛି। ଓସ୍କାର ବିଜେତା ରହମାନ ଟ୍ବିଟରରେ ଏକ ବିବୃତ୍ତି ଜାରି କରି ଏଭଳି ସ୍ୱୀକୃତି ପାଇଁ କୃତଜ୍ଞତା ଜଣାଇଛନ୍ତି। ରହମାନ ଏହି ବିବୃତ୍ତିରେ କହିଛନ୍ତି ଯେ ସେ ତାଙ୍କ ଜୀବନରେ ଏତେ ବଡ଼ ସମ୍ମାନ ପାଇବେ ତାହା କେବେ କଳ୍ପନା କରି ନଥିଲେ। କାନାଡାର ମାର୍କହମ ମେୟର (ଫ୍ରାଙ୍କ ସ୍କାରପିଟି) ଏବଂ ପରାମର୍ଶଦାତା, ଭାରତୀୟ କନସୁଲେଟ ଜେନେରାଲ ଅପୂର୍ବ ଶ୍ରୀବାସ୍ତବ ଏବଂ କାନାଡାବାସୀଙ୍କ ନିକଟରେ ସେ କୃତଜ୍ଞ। ଏହି ସଫଳତା ତାଙ୍କୁ ଅଧିକ କିଛି କରିବା ପାଇଁ ପ୍ରେରଣା ଦେବ ବୋଲି ସେ କହିଛନ୍ତି। ରହମାନ ତାଙ୍କ ନାମରେ ନାମିତ ରାସ୍ତାର ଏବଂ ଏହାର ଲୋକାର୍ପଣ ଉତ୍ସବର ଫଟୋ ମଧ୍ୟ ସୋସିଆଲ ମିଡିଆରେ ସେୟାର କରିଛନ୍ତି।

ଆର୍ ରହମାନ ଅର୍ଥ ଦୟାଳୁ। ଦୟାଳୁ ହେଉଛି ଈଶ୍ବରଙ୍କ ଗୁଣ ଯାହା ଆମ ସମସ୍ତଙ୍କ ପାଖରେ ଅଛି ଏବଂ ଜଣେ ଦୟାଳୁଙ୍କ ସେବକ ହୋଇପାରିବ। ତେଣୁ ସେହି ନାମ କାନାଡାରେ ରହୁଥିବା ସମସ୍ତ ଲୋକଙ୍କ ପାଇଁ ସୁଖ, ଶାନ୍ତି, ସମୃଦ୍ଧି ଆଣୁ। ଭଗବାନ ସମସ୍ତଙ୍କୁ ଆଶୀର୍ବାଦ କରନ୍ତୁ। ରହମାନ ତାଙ୍କୁ ପ୍ରେମ ଏବଂ ସମର୍ଥନ ଦେଇଥିବା ପ୍ରଶଂସକମାନଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି। ସୂଚନାଯୋଗ୍ୟ, ରହମାନଙ୍କ ପ୍ରକୃତ ନାମ ଦିଲୀପ କୁମାର। ସେ ଇସ୍‌ଲାମ ଧର୍ମ ଗ୍ରହଣ କରିବା ପରେ ତାଙ୍କ ନାମ ପରିବର୍ତ୍ତନ କରିଥିଲେ।