ମୁମ୍ବାଇ : ନଭେମ୍ବର ୮ରେ ଚଳଚ୍ଚିତ୍ର ‘ଠଗ୍‌ସ ଅଫ୍‌ ହିନ୍ଦୁସ୍ତାନ’ ରିଲିଜ୍‌ ହେବାକୁ ଥିବା ବେଳେ ଏବେ ଫିଲ୍ମର ପ୍ରମୋସନରେ ବ୍ୟସ୍ତ ଅଛନ୍ତି ଅଭିନେତା ଆମୀର ଖାନ୍‌ । ଚଳିତବର୍ଷ ଦୀପାବଳି ଆମୀରଙ୍କ ପାଇଁ ଖାସ୍‌ ହେବାକୁ ଯାଉଛି । ଏହାର କାରଣ ହେଉଛି ନଭେମ୍ବର ୮ରେ ଫିଲ୍ମ ରିଲିଜ୍‌ ହେବାକୁ ଥିବା ବେଳେ ନଭେମ୍ବର ୭ରେ ତାଙ୍କ ପତ୍ନୀ କିରଣ ରାଓ ନିଜର ଜନ୍ମଦିନ ପାଳନ କରିବାକୁ ଯାଉଛନ୍ତି । ତେବେ ଚଳିତବର୍ଷ ଏତେ ସାରା ଖୁସି ତାଙ୍କୁ ଏକା ସାଙ୍ଗରେ ମିଳିଥିବା ବେଳେ ପ୍ରତିବର୍ଷ ଦୀପାବଳିରେ ସେ କିଛି ଅଲଗା କରିଥାନ୍ତି ନିଶ୍ଚୟ।

Advertisment

publive-image India Today

ନିକଟରେ ଏକ ସାକ୍ଷାତକାରରେ ଯୋଗ ଦେଇ ଆମୀର ନିଜର ଏହି ଅଭ୍ୟାସ ବିଷୟରେ ସମସ୍ତଙ୍କୁ ଜଣାଇଛନ୍ତି । ତାଙ୍କ କହିବା ଅନୁଯାୟୀ, ‘ମୋତେ ଜୁଆ ଖେଳିବାକୁ ବହୁତ ଭଲ ଲାଗେ । କିନ୍ତୁ ମୁଁ ଏହାକୁ ବର୍ଷ ସାରା ଖେଳେ ନାହିଁ । କେବଳ ଦୀପାବଳି ସମୟରେ ହିଁ ମୁଁ ଜୁଆ ଖେଳିଥାଏ । ଜୁଆ ସହ ପରିବାରକୁ ମଧ୍ୟ ସମୟ ଦେଇଥାଏ । ଚଳିତବର୍ଷ କିରଣଙ୍କ ଜନ୍ମଦିନ ଥିବାରୁ ଦୀପାବଳିର ମଜା ଦୁଇଗୁଣ ହୋଇଯିବ।’