ଅଗଷ୍ଟ ୧୧ରେ ହେବ ଆମୀର-ଅକ୍ଷୟଙ୍କ ମଧ୍ୟରେ ଟକ୍କର !
ନୂଆଦିଲ୍ଲୀ: ବଲିଉଡ ଅଭିନେତା ଆମୀର ଖାନ ଏବଂ ଅକ୍ଷୟ କୁମାରଙ୍କ ମଧ୍ୟରେ ବକ୍ସ ଅଫିସରେ ଟକ୍କର୍ ହେବାକୁ ଯାଉଛି । ବକ୍ସ ଅଫିସରେ ସମ୍ରାଟ ପୃଥ୍ବୀରାଜର ବିଫଳତା ପରେ ଅକ୍ଷୟ ଆମୀରଙ୍କ ସହ ଟକ୍କର୍ ଦେବାକୁ ପ୍ରସ୍ତୁତ ହେଉଛନ୍ତି । ଅକ୍ଷୟ କୁମାରଙ୍କ ଆଗାମୀ ଫିଲ୍ମ ରକ୍ଷା ବନ୍ଧନର ପୋଷ୍ଟର ଆଜି ରିଲିଜ ହୋଇଛି ଏବଂ ଏହି ଫିଲ୍ମଟି ଅଗଷ୍ଟ ୧୧ ରେ ରିଲିଜ ହେବାକୁଯାଉଥିବା ଜଣାପଡ଼ିଛି । ସବୁଠାରୁ ବଡ଼କଥା ହେଉଛି ସେହି ଦିନ ଆମୀର ଖାନଙ୍କ ଫିଲ୍ମ ଲାଲ ସିଂ ଚଢ଼ା ମଧ୍ୟ ରିଲିଜ ହେଉଛି । ପୋଷ୍ଟର ରିଲିଜ୍ କରି ରକ୍ଷା ବନ୍ଧନର ନିର୍ଦ୍ଦେଶକ ଆନନ୍ଦ ଏଲ୍ ରାୟ କହିଛନ୍ତି, ‘ରକ୍ଷା ବନ୍ଧନ’ ମୋ ହୃଦୟର ଅତି ନିକଟତର ଅଟେ । ଏହା ଏକ ଭାଇ ଏବଂ ଭଉଣୀ ମଧ୍ୟରେ ଥିବା ସର୍ତ୍ତହୀନ ଭଲପାଇବାକୁ ଦର୍ଶାଏ । ମୁଁ ଆଶା କରୁଛି ଦର୍ଶକମାନେ ଏହାକୁ ଶୀଘ୍ର ପ୍ରେକ୍ଷାଳୟରେ ଦେଖିବାକୁ ପାଇବେ। ହିମାଂଶୁ ଶର୍ମା ଏବଂ କନିକା ଢିଲ୍ଲୋଁ ଏହି ଫିଲ୍ମର କାହାଣୀଟିକୁ ଲେଖିଛନ୍ତି।
Sambad is now on WhatsApp
Join and get latest news updates delivered to you via WhatsApp
ତେବେ ସାରା ଦେଶରେ ୧୦୦ରୁ ଅଧିକ ସ୍ଥାନରେ ଫିଲ୍ମ ‘ଲାଲ ସିଂ ଚଢ଼ା’ର ସୁଟିଂ କରାଯାଇଛି । ଏହା ଏକ ପ୍ରେମ କାହାଣୀ ଉପରେ ଆଧାରିତ। ଆମୀର ଖାନଙ୍କ ଚଳଚ୍ଚିତ୍ରଟି ୧୯୯୪ରେ ନିର୍ମିତ ଆମେରିକୀୟ ଚଳଚ୍ଚିତ୍ର ‘ଫରେଷ୍ଟ ଗମ୍ପ’ର ରିମେକ୍ ଅଟେ । ଏହି ଚଳଚ୍ଚିତ୍ରରେ ଆମୀର ଜଣେ ଶିଖ୍ ଯୁବକ ଭୂମିକାରେ ଅଛନ୍ତି ଏବଂ କରୀନା କପୁର ତାଙ୍କ ବିପକ୍ଷରେ ଅଭିନେତ୍ରୀ ହୋଇଛନ୍ତି । ଦୁଇଟି ଫିଲ୍ମର କାହାଣୀ ଭିନ୍ନ ଥିବା ବେଳେ ଦର୍ଶକ କାହାକୁ ଅଧିକ ଭଲପାଇବା ଦେଉଛନ୍ତି, ତାହା ଦେଖିବାକୁ ବାକି ରହିଲା।