ନିଜର ପ୍ରତିଟି ଫିଲ୍ମ ରିଲିଜ୍ ହେବା ପୂର୍ବରୁ ଏହି ବଦଭ୍ୟାସକୁ ଆପଣାଇ ନିଅନ୍ତି ଆମୀର ଖାନ୍ !
ମୁମ୍ବାଇ : ଦୀପାବଳିରେ ଲୋକମାନଙ୍କ ମନୋରଞ୍ଜନ କରିବା ପାଇଁ ପ୍ରେକ୍ଷାଳୟକୁ ଆସିବାକୁ ପ୍ରସ୍ତୁତ ହେଉଛି ଫିଲ୍ମ ଠଗ୍ସ ଅଫ୍ ହିନ୍ଦୋସ୍ତାନ୍ । ଏହି ଫିଲ୍ମର ମୁଖ୍ୟ ଭୂମିକାରେ ଆମୀର ଖାନ୍, ଫାତିମା ଶେଖ୍,ଅମିତାଭ ବଚ୍ଚନ ଏବଂ କ୍ୟାଟ୍ରିନା କୈଫ୍ ନଜର ଆସୁଥିବା ବେଳେ ଫିଲ୍ମଟି ବକ୍ସ ଅଫିସରରେ ଧମାଲ ମଚାଇବ ବୋଲି ଆଲୋଚନା ଆରମ୍ଭ ହେଲାଣି । ଏହାର କଳାକାରମାନେ ଏବେ ଫିଲ୍ମର ପ୍ରମୋସନ କରିବାରେ ବ୍ୟସ୍ତ ଥିବା ବେଳେ ଆମୀର ଏହି ସମୟରେ ନିଜ ସହ ଜଡ଼ିତ ଏକ ବଡ଼ ଖୁଲାସା କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏକ ସାକ୍ଷାତକାରରେ ସେ କହିଛନ୍ତି, ପ୍ରତିଟି ଫିଲ୍ମ ରିଲିଜ୍ ହେବାର କିଛି ଦିନ ପୂର୍ବରୁ ମୋର ଧୂମପାନ କରିବାର ଅଭ୍ୟାସ ଆରମ୍ଭ ହୋଇ ଯାଇଥାଏ । ପ୍ରତିଦିନ ମୁଁ ଏକାଧିକବାର ଧୂମପାନ କରିଥାଏ । ଯେଉଁଥି ପାଇଁ ମୋ ପତ୍ନୀ କିରଣ ରାଓ ମୋ ଉପରେ ଚିଡ଼ିଥାନ୍ତି । କାରଣ ତାଙ୍କୁ ସିଗାରେଟର ଧୂଆ ଆଦୌ ପସନ୍ଦ ନୁହେଁ । ତାଙ୍କ ଅସୁବିଧାକୁ ଦେଖି ମୁଁ ଏବେ ସିଗାରେଟ ନ ପିଇ ଚିଲମ ପିଇବା ଆରମ୍ଭ କରିଛି ବୋଲି ଆମୀର କହିଥିଲେ ।