ପରିବାର ସହ ବିବାଦ ମଧ୍ୟରେ ନିଜ ନାମରୁ 'ବବ୍ବର' ହଟାଇ 'ପାଟିଲ୍' ଯୋଡିଲେ ପ୍ରତୀକ୍

ମୁମ୍ବାଇ: ଅଭିନେତା-ରାଜନେତା ରାଜ୍ ବବ୍ବରଙ୍କ ପୁଅ ପ୍ରତୀକ ବବ୍ବର ତାଙ୍କ ସ୍ୱର୍ଗତଃ ମାଆ ସ୍ମିତା ପାଟିଲଙ୍କ ସମ୍ମାନାର୍ଥେ ତାଙ୍କ ଉପନାମକୁ 'ପ୍ରତୀକ ସ୍ମିତା ପାଟିଲ'ରେ ପରିବର୍ତ୍ତନ କରିଛନ୍ତି। କିଛି ଦିନ ତଳେ ପ୍ରତୀକ୍ ବିବାହ କରିଥିଲେ। ବିବାହ ସମୟରେ ମଧ୍ୟ ସେ ରାଜ୍ ଓ ତାଙ୍କ ସାବତ ଭାଇଙ୍କୁ ଡାକି ନଥିଲେ। ସେବେଠାରୁ ପରିବାର ମଧ୍ୟରେ ଫାଟ ସୃଷ୍ଟି ହୋଇଥିବା ନେଇ ଚର୍ଚ୍ଚା ଆରମ୍ଭ ହୋଇଯାଇଥିଲା। ଏବେ ପ୍ରତୀକ୍ ନିଜ ନାମରୁ ବବ୍ବର ହଟାଇ ଦେବା ପରେ ଏହା ସ୍ପଷ୍ଟ ହୋଇଛି।  

ଜାତୀୟ ଗଣମାଧ୍ୟମ ଟାଇମ୍ସ ଅଫ୍ ଇଣ୍ଡିଆକୁ ସାକ୍ଷାତକାର ଦେଇ ପ୍ରତୀକ୍ ପ୍ରକାଶ କରିଛନ୍ତି ଯେ, ମୁଁ ମୋ ନାମକୁ 'ପ୍ରତୀକ ବବ୍ବର'ରୁ 'ପ୍ରତୀକ ସ୍ମିତା ପାଟିଲ'କୁ ପରିବର୍ତ୍ତନ କରିଛି। ମୁଁ ପରିଣାମ ବିଷୟରେ ଚିନ୍ତା କରୁ ନାହିଁ। ମୁଁ କେବଳ ସେହି ନାମ ଶୁଣିଲେ କିପରି ଅନୁଭବ କରେ ତାହା ବିଷୟରେ ଚିନ୍ତା କରୁଛି। ମୁଁ ମୋ ମାଆ (ସ୍ମିତା ପାଟିଲ), ତାଙ୍କ ନାମ ଏବଂ ତାଙ୍କ ଐତିହ୍ୟ ସହିତ ସମ୍ପୂର୍ଣ୍ଣ ଭାବରେ ଯୋଡି ହୋଇ ରହିବାକୁ ଚାହେଁ। ମୁଁ ମୋ ବାପାଙ୍କ ପରି ନୁହେଁ, ମୋ ମାଆଙ୍କ ପରି ହେବାକୁ ଚେଷ୍ଟା କରୁଛି।"

ପ୍ରତୀକଙ୍କ ଉପନାମ ପରିବର୍ତ୍ତନ ଉପରେ ପ୍ରତିକ୍ରିୟା ଦେଇ ସାବତ ଭାଇ ଆର୍ଯ୍ୟ ବବ୍ବର କହିଛନ୍ତି ଯେ, "ସ୍ମିତା ପାଟିଲ୍‌ ମୋର ମଧ୍ୟ ମାଆ ଏବଂ ଏହା ପ୍ରତୀକଙ୍କ ଉପରେ ନିର୍ଭର କରେ ଯେ ସେ କେଉଁ ଉପନାମ ରଖିବାକୁ ଚାହାଁନ୍ତି। ନାମ ପରିବର୍ତ୍ତନ କରିବା ଦ୍ୱାରା ଜଣଙ୍କର ପରିଚୟ ପରିବର୍ତ୍ତନ ହୁଏ ନାହିଁ। ନାମ ପରିବର୍ତ୍ତନ ସତ୍ତ୍ୱେ, ଜଣଙ୍କର ଅସ୍ତିତ୍ୱ ଏବଂ ପରିଚୟ ପରିବର୍ତ୍ତନ ହୁଏ ନାହିଁ।"

aarya-babbar | prateik-babbar | droping-father-raj-babbar-surname