ନୂଆଦିଲ୍ଲୀ: ଗତକିଛିଦିନ ହେବ ଅଭିଷେକ ବଚ୍ଚନ ଓ ଐଶ୍ବର୍ଯ୍ୟା ରାଏ ବଚ୍ଚନଙ୍କ ମଧ୍ୟରେ ଖିଟପିଟ ଚାଲିଥିବାର ନେଇ ଚର୍ଚ୍ଚା ହେଉଛି। ନିକଟରେ ମୁକେଶ ଅମ୍ବାନୀଙ୍କ ସାନପୁଅ ଅନନ୍ତ ଅମ୍ବାନୀଙ୍କ ବିବାହରେ ଅଭିଷେକ ଓ ଐଶ୍ବର୍ଯ୍ୟା ଅଲଗାଅଲଗା ପହଞ୍ଚିଥିଲେ। ସମ୍ପ୍ରତି ଅଭିଷେକଙ୍କ ଏକ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। ଯେଉଁଥିରେ ଅଭିଷେକଙ୍କୁ ପ୍ୟାରିସ ଅଲିମ୍ପିକ୍ସ-୨୦୨୪ରେ ଖୁବ ମସ୍ତି କରୁଥିବା ଦେଖିବାକୁ ମିଳିଛି।

Advertisment

ଅଭି‌ଷେକ କମଳା ରଙ୍ଗର ସାର୍ଟ ଓ ବ୍ଲୁ ରଙ୍ଗର ପ୍ୟାଣ୍ଟ ପିନ୍ଧି ପ୍ୟାରିସ ଅଲିମ୍ପିକ୍ସର ବେଶ ମଜା ଉଠାଉଥିବାର ଝଲକ ତାଙ୍କ ଚେହେରାରେ ବାରି ହୋଇପଡ଼ୁଛି। ଏହି ଫଟୋ ଦେଖିବା ପରେ ଐଶ୍ବର୍ଯ୍ୟା ଓ ଆରଧ୍ୟାଙ୍କ ଫ୍ୟାନ୍ସମାନେ ଅସନ୍ତୋଷ ବ୍ୟକ୍ତ କରି ବିଭିନ୍ନ ପ୍ରକାର ପ୍ରତିକ୍ରିୟା ଦେଇଛନ୍ତି। ତୁମେ ଏକା ଅଲିମ୍ପିକ୍ସ ଦେଖିବାକୁ ଆସିଲ ଐଶ୍ବର୍ଯ୍ୟା ଓ ଆରଧ୍ୟାଙ୍କ କେଉଁଠି ବୋଲି ଅଭି‌ଷେକଙ୍କୁ ଫ୍ୟାନ୍ସମାନେ ପ୍ରଶ୍ନ କରିଛନ୍ତି।

କାରଣ କୌଣସି ଉତ୍ସବ ହେଉ ଅବା କାର୍ଯ୍ୟକ୍ରମ ଅଭିଷେକ ତାଙ୍କ ସ୍ତ୍ରୀ ଐଶ୍ବର୍ଯ୍ୟା ଓ ଝିଅ ଆରଧ୍ୟାଙ୍କ ସହିତ ନଜର ଆସିଥାଆନ୍ତି। କିନ୍ତୁ ଏଇ କିଛିଦିନ ହେବ ଅଭିଷେକ ଓ ଐଶ୍ବର୍ଯ୍ୟାଙ୍କୁ ବିଭିନ୍ନ କାର୍ଯ୍ୟକ୍ରମରେ ଏକା ଏକା ଯିବାର ଦେଖିବାକୁ ମିଳୁଛି। ନିକଟରେ ଅନନ୍ତ ଅମ୍ବାନୀଙ୍କ ବିବାହରେ ଅଭିଷେକ ଓ ଐଶ୍ବର୍ଯ୍ୟା ଅଲଗାଅଲଗା ପହଞ୍ଚିଥିବା ବେଳେ ଅଭିନେତ୍ରୀଙ୍କୁ ନ୍ୟୁୟର୍କରେ ଏକାକି ଛୁଟି କାଟୁଥିବା ନିକଟରେ ଦେଖିବାକୁ ମିଳିଥିଲା।